Wuok 30:20 - Motingʼo Loko Manyien

²⁰ Kinde ka kinde ka gidonjo e Hemb Romo, to nyaka giluokre gi pigno mondo kik githo. Bende kinde ka kinde ma gidhi kar kendo mar misango mondo gichiw misango miwangʼo pep ni Jehova Nyasaye,

MUMA MALER 2015

²⁰ Pile ka gidonjo e Hemb Romo to nyaka gilwokre gi pigno kamano mondo kik githo. Bende ka gidhi e kendo-mar-misango mondo gitiye, kendo giwang’ie misango ni Ruoth Nyasaye,

Wuok 30:20 ပူးပေါင်းရင်းမြစ်များ

1 Weche mag Ndalo 13:10

To Jehova Nyasaye nokecho gi Uza kendo ne ochwade nikech nomako Sandug Muma omiyo notho e nyim Nyasaye.

Zaburi 89:7

E buch jomaler Nyasaye oluor gi luor maduongʼ; olich moloyo chwech duto molwore.

Wuok 12:15

Kuom ndalo abiriyo nyaka ucham makati ma ok oketie thowi. Odiechiengʼ mokwongo nyaka ugol oko thowi ma ukano e ute, nikech ngʼato angʼata ma ochamo gimoro amora ma oted gi thowi chakre chiengʼ mokwongo nyaka chiengʼ mar abiriyo to nongʼad kare oko kuom oganda jo-Israel.

Wuok 30:19

Harun gi yawuote noluok tiendegi kod lwetegi gi pi mogol e iye.

Wuok 30:21

to nyaka giluok lwetgi gi tiendgi mondo kik githo. Mano nobedi chik mochwere momako Harun gi nyikwaye nyaka ni tienge duto mabiro.”

Wuok 40:31

Kendo Musa gi Harun kod yawuote notiyo kode kaluoko lwetegi gi tiendegi.

Tim jo-Lawi 16:4

Nyaka orwak kandhone mopwodhi mar dolo miluongo ni tunik gi sati maiye, bangʼe to otwe okanda kendo otwe kilemba e wiye. Magi gin lep dolo; kuom mano nyaka olwokre kapod orwakogi.

Tim jo-Lawi 8:6

Eka Musa nogolo Harun gi yawuote e dier oganda mi olwokogi gi pi.

Tich Joote 5:10

Gikanyono Safira nogore piny e tiend Petro mi otho. Eka yawuowi nobiro modonjo, to kane giyude ka osetho, ne gitingʼe gitere oko mi giike e bath chwore.

Tich Joote 5:5

Kane Anania owinjo wachno, nogore piny motho. Ji duto mane owinjo gima notimoreno ne luoro omako.

1 Samuel 6:19

To Nyasaye nogoyo jo-Beth Shemesh moko, monego ji piero abiriyo nikech negingʼiyo ii Sandug Muma mar Jehova Nyasaye. Ji noywak malit nikech sand mane Jehova Nyasaye osekelonegi,