Wuok 3:22 - Motingʼo Loko Manyien

²² Dhako ka dhako nyaka kwa jabathe kod joma odakgo e ode mondo omiye gik molos gi fedha gi dhahabu kod lewni, ma unuket kuom yawuotu gi nyiu. Kuom mano unuyak gige jo-Misri.”

MUMA MALER 2015

²² Dhako ka dhako nodwar gik moko mag fedha kod dhahabu, kaachiel gi lewni kuom jagweng’gi, kendo kuom dhako moro amora modak kode e ode. Unurwak nyithindu gi gigo, kendo mano e kaka unuyak jo-Misri.”

Wuok 3:22 ပူးပေါင်းရင်းမြစ်များ

Chakruok 15:14

To anakum piny ma noketgi wasumbini, bangʼe giniwuogi gia gi mwandu mogundho.

Chakruok 24:53

Eka jatich Ibrahim nogolo gik moko mag dhahabu kod mag fedha kod lewni mi nomiyogi Rebeka; kendo nochiwo mich ma nengogi tek ne owadgi kod min-gi.

Zaburi 105:37

Nogolo Israel, kogangore gi fedha kod dhahabu, kendo onge ngʼama nodongʼ chien kuom dhout Israel duto.

Wuok 11:2

Nyis oganda ni chwo kaachiel gi mon mondo omi jobathgi gik molos gi fedha kod dhahabu.”

Ngeche 13:22

Ngʼat maber weyo mwandu ne nyithind nyithinde, to mwandu jaricho okan ni joma kare.

Isaya 33:1

Unune malit un joma osetieko ji, to pok otieku! Unune malit un joma osendhogo ji, to un pok ondhogu! Ka uweyo tieko ji to notieku; bende ka uweyo ndhogo ji to nondhogu.

Ezekiel 39:10

Ok ginimod yien e thim kata tongʼo yien e bunge nikech giniti kod gigegi mag lweny kuom chwako mach. Giniyak gige joma ne oyakogi kendo ginipe jogo mane opeyogi; Jehova Nyasaye Manyalo Gik Moko Duto osewacho.