Wuok 28:6 - Motingʼo Loko Manyien

⁶ “Los law mayom mar dolo miluongo ni efod gi dhahabu, gi law man-gi range marambulu gi maralik kod marakwaro momin gi law mayom, ma en tich jatwengʼo molony.

MUMA MALER 2015

⁶ “Bende gilos law dolo miluongo ni efod gi dhahabu kod usi mambulu gi maralik kod makwar, kod law katana maber ma jatueng’o molony oloso.

Wuok 28:6 ပူးပေါင်းရင်းမြစ်များ

Wuok 25:4

law marambulu, maralik, marakwaro, law mayom, kod law mar yie diek,

Wuok 25:7

gi oniks kod kite moko miketo kuom law mayom mar dolo miluongo ni efod kod law akor.

Wuok 26:1

“Los Hemb Romo gi pasia apar mar law mayom momin man-gi rangi marambulu gi maralik kod marakwaro ka ogorie kido mar malaika mar kerubi gi jagoro molony.

Wuok 28:7

Nyaka obed gi okanda ariyo mag gok mitweyego e gok chien gi nyime

Wuok 29:5

Kaw lewnigo magin kandho gi kandho moumo law akor miluongo ni efod, gi kandho mar law mayom mar dolo miluongo ni efod kod law akor mondo irwakne Harun. Twe law mayom mar dolo miluongo ni efod kuome gi okandane motwangʼ maber.

Hosea 3:4

Nimar jo-Israel biro dak ndalo mangʼeny ka gionge gi ruoth kata jotelo, ka ok gitim misango maonge kido moro milamo, kata law akor mar dolo miluongo ni efod kata nyiseche manono.

Tim jo-Lawi 8:7

Bangʼ mano norwako ne Harun kandho, eka notweyone okanda e nungone, kendo norwakone law mayom mar dolo miluongo ni efod, bangʼe notweyone law dolono miluongo ni efodno gi okandane motwangʼ maber.

Jong’ad Bura 8:27

Gideon noloso kido mar nyasaye manono mar efod gi dhahabu, ma noketo e dalane miluongo ni Ofra. Jo-Israel duto notimo timbe mag dwanyruok e kindgi giwegi ka gilamo kidono kanyo kendo nobedo obadho ni Gideon kod dalane.

1 Samuel 23:6

Koro Abiathar wuod Ahimelek nosebiro gi law mayom mar dolo miluongo ni efod e kinde mane oringo kodhi ir Daudi Keila.

1 Samuel 30:7

Eka Daudi nowachone Abiathar jadolo, ma wuod Ahimelek niya, “Kelna law mayom mar dolo miluongo ni efod.” Abiathar nokelone,