Wuok 28:4 - Motingʼo Loko Manyien

⁴ Lewni manyaka gitwangʼ e magi: law akor, law mayom mar dolo miluongo ni efod, kandho, law akor mogor, kilemba mar wich kod okanda. Nyaka gilos lewni mowal mag dologi ne owadu Harun kod yawuote mondo gitina kaka jodolo.

MUMA MALER 2015

⁴ Lewni monego gilos e magi: Law agoko gi law dolo miluongo ni efod, gi aroya, gi law akor mogorie maridadi, kaachiel gi kilemba kod okanda. Ginibed lewni maler ma Harun owadu gi yawuote rwako ka tiyona tich dolo.

Wuok 28:4 ပူးပေါင်းရင်းမြစ်များ

2 Samuel 6:14

Daudi, korwako law mayom mar dolo miluongo ni efod, nomiel aduwa e nyim Jehova Nyasaye gi tekre duto,

Wuok 25:7

gi oniks kod kite moko miketo kuom law mayom mar dolo miluongo ni efod kod law akor.

Wuok 29:6

Rwakne kilemba e wiye kendo itwene san mopamorecha e lela wangʼe kaka osimbo maler.

Wuok 39:28

kendo ne gilosonegi kilemba motwangʼ gi law mayom mar katana gi ogute kaachiel gi sirwaru maiye,

Isaya 11:5

Tim makare nobed okanda mare kendo adiera nobed misip motweyo e nungone.

Isaya 59:17

Norwakore tim makare ka law akor mar nyinyo, kendo ne orwako warruok ka ogut lweny; bende ne orwako chulo kuor ka ngʼama rwako law, kendo nobolo mirima mager kuome ka law abola.

Hosea 3:4

Nimar jo-Israel biro dak ndalo mangʼeny ka gionge gi ruoth kata jotelo, ka ok gitim misango maonge kido moro milamo, kata law akor mar dolo miluongo ni efod kata nyiseche manono.

Jo-Efeso 6:14

Emomiyo nyonuru piny motegno, kutweyo nungou gi kamba mar adiera, kendo kurwako tim makare ka gige lweny mag akor,

1 Jo-Thesalonika 5:8

To nikech wan jo-odiechiengʼ, wabeduru gi ritruok ka warwakore gi yie kod hera kaka law akor mar lweny; kendo gi geno mar warruok kaka ogut lweny.

Fweny 9:17

To farese gi joithgi mane aneno e fwenynano ne chalo kama: Joma noidhogi norwakore gi akor mag nyinyo makwar ka mach, kendo marambulu molil, kod ratongʼ gweno. Wi faresego ne chalo gi wi sibuoche, to mach gi yiro kod pilni mach ne wuok e dhogi.

1 Samuel 2:18

Samuel to ne tiyo, e nyim Jehova Nyasaye ka en wuowi matin korwako law mayom mar dolo miluongo ni efod.

1 Samuel 22:18

Omiyo ruoth nochiko Doeg niya, “Lokri mondo ineg jodolo.” Omiyo Doeg ja-Edom nonegogi. Chiengʼno nonego joma orwako lewni mayom mag dolo miluongo ni efod maromo ji piero aboro gabich.

1 Samuel 23:6

Koro Abiathar wuod Ahimelek nosebiro gi law mayom mar dolo miluongo ni efod e kinde mane oringo kodhi ir Daudi Keila.

1 Samuel 30:7

Eka Daudi nowachone Abiathar jadolo, ma wuod Ahimelek niya, “Kelna law mayom mar dolo miluongo ni efod.” Abiathar nokelone,