Wuok 22:30 - Motingʼo Loko Manyien

³⁰ Timuru machal kamano ni rwethu kod rombeu. Weuru gibed gi minegi kuom ndalo abiriyo, to chiengʼ mar aboro miyagiuru.

MUMA MALER 2015

³⁰ kendo utim kamano gi jambu, bende. Nyaka gibed gi min-gi kuom ndalo abiriyo, to chieng’ mar aboro unumiyagi.

Wuok 22:30 ပူးပေါင်းရင်းမြစ်များ

Chakruok 17:12

Kuom tienge mabiro ngʼato angʼata madichwo monywol e uteu kata ongʼiew gi pesa ma ok kothu nyaka ter nyangu, e odiechiengʼ mar aboro bangʼ nywolne.

Wuok 13:12

to nyaka uchiw ni Jehova Nyasaye nyak mokwongo mar nyodo. Chiayo ka chiayo madichwo makayo gin mag Jehova Nyasaye.

Ezekiel 4:14

Eka nawacho niya, “Yaye, Jehova Nyasaye Manyalo Gik Moko Duto! Nyaka nene pok adwanyora kamano. Nyaka aa e tin-na pok achamo gima oyud kotho, kata ma le mag bungu okidho. Ringʼo mogak moro amora pok odonjo e dhoga nyaka nene.”

Tim jo-Lawi 11:44

An Jehova Nyasaye ma Nyasachu, kuom mano pwodhreuru kendo ubed jomaler, nikech an aler. Kik uchidru gi gimoro amora mamol kata malak e lowo.

Tim jo-Lawi 11:45

An e Jehova Nyasaye mane ogolou e piny Misri mondo abed Nyasachu, kuom mano beduru maler nikech an aler.

Tim jo-Lawi 12:3

Chiengʼ mar aboro, nyathino nyaka ter nyangu.

Tim jo-Lawi 17:15

“ ‘Ngʼato angʼata ma ja-Israel kata jadak manie dieru mochamo gima otho kende, kata mondiek onego nyaka luok lepe kende olwokre, kendo nobed mogak nyaka odhiambo, eka bangʼe nobed maler.

Tim jo-Lawi 22:27

“Ka onywol nyarombo, nyaroya kata nyadiel, to kik upoge gi min mare nyaka bangʼ ndalo abiriyo. Kochiwe ne Jehova Nyasaye bangʼ ndalo aboro kaka misango miwangʼo gi mach to Jehova Nyasaye noyie kode.

Tim jo-Lawi 22:8

Ok oyiene mondo ocham chiayo moro amora motho kende, kata ma ondiek onego, nikech timo kamano biro miyo obedo mogak. An e Jehova Nyasaye.

Tim jo-Lawi 7:23

“Nyis jo-Israel kama: ‘Kik ucham bor moro amora mar dhok, rombe, kata diek.

Tim jo-Lawi 7:24

Chiayo moyud kotho kende kata ma ondiegi onego kik gicham bore to boreno inyalo tigo e yo moro amora.

Tim jo-Lawi 7:26

Ka moro amora mudakie, kik ucham remo moro amora bed ni en mar winy kata en mar le.

Rapar mar Chik 14:21

Kik ucham gimoro ma uyudo ka osetho kende. Unyalo miye japiny moro amora manie miechu mondo ochame kata unyalo uso ne japiny moro, nikech un oganda mowal ni Jehova Nyasaye ma Nyasachu. Kutedo nyadiel to kik uole cha min.

Rapar mar Chik 15:19

Keturu tenge ne Jehova Nyasaye ma Nyasachu jamni duto machwo mokwong nywolo e kweth jambu. Kik uket rwedhi ma dhou okwongo nywolo e jok bende kik ungʼad yie rombu mokwong nywolo.