Wuok 22:24 - Motingʼo Loko Manyien

²⁴ Mirimba biro bedo mager kodu kendo abiro negou gi ligangla mondeu biro bedo monde liete kendo nyithindu biro bedo nyithi kiye.

MUMA MALER 2015

²⁴ kendo anakech kodu, mi anakel lweny ma unuthoe. Kamano mondu nodong’ mond liete, kendo nyithindu nobed kiye.

Wuok 22:24 ပူးပေါင်းရင်းမြစ်များ

Nehemia 5:7

Ne aparo wechego matut mi adonjone joka ruoth kod jotelo. Ne anyisogi niya, “Uyudo ohala kuom jowadu uwegi!” Omiyo ne aluongo buch galamoro mondo awuo kodgi,

Ayub 31:23

Nikech ne aluoro kethruok ma Nyasaye nyalo kelona nikech luoro mane aluorogo duongʼne, omiyo ne ok anyal timo gik ma kamago.

Zaburi 109:2

nimar joma timbegi richo gi jo-miriambo osemonja gi wechegi; gisewuoyo kuomwa marach, adier gisewacho miriambo kuoma.

Zaburi 109:9

Mad nyithinde dongʼ kiye kendo chiege dongʼ dhako ma chwore otho.

Zaburi 15:5

Ngʼat ma holo ji pesane ma ok odwaro ni odwokne gi gimoro e wiye kendo ma ok yie kaw asoya kuom joma onge ketho. Ngʼat matimo gik makamagi gimoro amora ok nyal yiengo.

Zaburi 69:24

Ol mirimbi kuomgi; we mirimbi mager omakgi.

Zaburi 76:7

In kendi ema onego oluori. Koso en ngʼa manyalo chungʼ e nyimi ka mirima omaki?

Zaburi 90:11

En ngʼa mongʼeyo teko mar mirimbi? Nimar gero mari nigi teko machalo gi teko ma luori kelo.

Jeremia 15:8

Anami mon ma chwogi otho mag-gi bedo mathoth moloyo kwoyo manie dho nam. E odiechiengʼ tir anakel ngʼama nego mana rowere; kendo apoya nono anakelnegi lit kod bwok maduongʼ.

Jeremia 18:21

Omiyo we nyithindgi kech oka; bolgi e teko mar ligangla. We mondegi obed maonge nyithindo kendo mon ma chwogi otho; mad chwogi negi, rowere mag-gi negi gi ligangla e kedo.

Ywagruok 5:3

Wasedongʼ kiye, to minewa chalo mon ma chwogi otho.

Tim jo-Lawi 25:35

Ka ja-Israel wadu moro obedo modhier e dieru, to nyaka ukonye mana kaka ukonyo jadak kata wendo molimou kuma udakie kuom ndalo machwok mondo omi osik kodak kodu.

Tim jo-Lawi 25:36

Kik ukaw ohala moro amora kuome, to daguru kode kuluoro Nyasachu.

Nahum 1:6

Ere ngʼat manyalo siro mirimbe? Koso en ngʼa manyalo siro mirimbe mager? Mirimbe mager oolo mana ka mach. Lwendni barore e nyime.

Luka 6:38

Chiwuru, to ibiro chiwonu. Ubiro yudo rapim maber, moiki kendo motiel mapongʼ thich, kendo oo oko. Nimar rapim mupimogo ema ibiro pimnugo un bende.”

Rapar mar Chik 23:20

Inyalo kawo ohala kuom japiny moro to ok owadu ma ja-Israel mondo Jehova Nyasaye ma Nyasachu ogwedhu e gimoro amora ma uketoe lwetu mar timo e piny mudhikawo mondo obed maru.

Rapar mar Chik 23:21

Ka ukwongʼoru ne Jehova Nyasaye ma Nyasachu, to kik ubadhru chule, nimar Jehova Nyasaye ma Nyasachu biro bandhou wachno ma ubed joketho.

Jo-Hibrania 10:31

En gima lich miwuoro ka ngʼato olwar e lwet Nyasaye mangima!