Wuok 21:20 - Motingʼo Loko Manyien

²⁰ “Ka ngʼato ogoyo dichwo kata dhako ma misumba gi luth kendo misumbano otho kaluwore gi gochono, nyaka kume.

MUMA MALER 2015

²⁰ “Ka ng’ato ogoyo misumbane ma dichwo kata madhako gi luth motho e wago, to nyaka kume.

Wuok 21:20 ပူးပေါင်းရင်းမြစ်များ

Chakruok 4:15

To Jehova Nyasaye nowachone niya, “Ok kamano, ka ngʼato onegi, nochul ne kuor nyadibiriyo moloyo.” Eka Jehova Nyasaye noketo ranyisi kuom Kain mondo ngʼato moromo kode kik nege.

Chakruok 4:24

Ka Kain ochulne kuor nyadibiriyo to kara Lamek to nochul ne kuor nyadi piero abiriyo gabiriyo.”

Chakruok 9:6

“Ngʼato angʼata mochwero remb dhano, en bende nyaka rembe chwer koa e lwet dhano; nikech e kit Nyasaye nochweyo dhano.

Wuok 21:19

to ngʼatno mane ogocho ok nomok e wachno ka machielono ochungo mi owuotho oko gi ludhe; to kata kamano, nyaka ochul ngʼat mohinyoreno kuom thuolone mokethore kendo one ni ochango chutho.

Wuok 21:21

To ok enokume ka misumbano ochungo oa malo bangʼ ndalo achiel kata ariyo, nimar misumbano en mwandune.

Ngeche 29:19

Misumba ok nyal kony kirieye mana gi wach kende; kata bed ni owinjo, to ok obi rwako.

Kwan 35:19

Owad gi ngʼat monegno noneg janekno; koromo kode to nonege.

Jo-Rumi 13:4

Nimar en jatich Nyasaye moketo mondo okonyi. To ka itimo marach, to bed abeda maluor nikech ok otingʼ ligangla kayiem! En jatich Nyasaye machulo kuor gi mirima kokumo ngʼama timo marach.

Rapar mar Chik 19:21

Kik ibed gi tim ngʼwono, to chul ngʼato ngima kar ngima, wangʼ kar wangʼ, lak kar lak, lwedo kar lwedo, kendo tielo kar tielo.