Wuok 2:22 - Motingʼo Loko Manyien

²² Zipora nonywolo wuowi mi Musa nochako nyinge ni Gershom, kowacho niya, “Asedoko jadak e piny ma ok marwa.”

MUMA MALER 2015

²² Zipora nonywolo ni Musa wuowi, mi Musa nochako ni Gershom, (tiende ni jadak ka). Nochake kamano nikech noneno ni osedoko jadak e piny ma ok margi.

Wuok 2:22 ပူးပေါင်းရင်းမြစ်များ

Chakruok 23:4

“An mana jadak kendo wendo e kindu. Miyauru kamoro angʼiew moromo kar yiko.”

1 Weche mag Ndalo 16:20

ne giwuotho e kind ogendini mopogore, ka gidhi e pinyruodhi mopogore opogore.

1 Weche mag Ndalo 29:15

Wan jodak kendo joma welo e nyim wangʼi, mana kaka kwerewa nobet. Ndalowa e piny ka chalo gi tipo, kendo waonge geno.

Zaburi 119:19

An mana wendo e piny omiyo kik ipandna chikeni.

Zaburi 39:12

Winj lamona, yaye Jehova Nyasaye, chik iti ni lamona ma adwarogo kony; kik idin iti ne ywakna, nikech adak kodi mana ka japiny moro, an mana wendo kaka kwerena duto ne gin.

Wuok 2:10

Ka nyathino nosedongo mobedo maduongʼ nokawe motere ne nyar Farao kendo nyathino nodoko wuod nyar Farao. Nochake ni Musa kowacho niya, “Ne agole e pi.”

Wuok 22:21

“Kik sand jadak kata loke misumba, nikech ne un jodak Misri.

Wuok 4:20

Omiyo Musa nokawo chiege kod yawuote, mi oketogi e punda kendo nochako wuoth mar dok Misri. Bende nokawo ludh Nyasaye e lwete.

Tim jo-Lawi 25:23

Kik ngʼato usne wadgi lowo chuth, nikech lowo en mara, un to un mana joma amiyo lowo kaka wenda kendo jodak.

Tich Joote 7:29

Kane Musa owinjo wachno, noringo odhi Midian, kama nodakie kaka japiny moro mi onywolo yawuowi ariyo.

Jong’ad Bura 18:30

Joka Dan nochungo kido manono kanyo mondo gilam, kendo negiketo Jonathan wuod Gershom, ma wuod Musa, kod yawuote obedo jodolo ne dhood joka Dan nyaka ne ochopo kinde mane oter pinyno e twech.

1 Samuel 1:20

E kindeno Hana nomako ich monywolo wuode. Nochake ni Samuel kowacho niya, “Nikech ne akwaye Jehova Nyasaye.”