Wuok 19:24 - Motingʼo Loko Manyien

²⁴ Jehova Nyasaye nodwoke niya, “Lor piny iom Harun ibigo ira. To jodolo gi ji kik rire mondo one Jehova Nyasaye, nono to abiro mwomora kuomgi.”

MUMA MALER 2015

²⁴ Ruoth Nysaye nowachone niya, “Lor mondo idhi iom Harun. To jodolo kaachiel gi ji kik kadh tong’ ka giidho ira, nono to abiro mwomora kuomgi.”

Wuok 19:24 ပူးပေါင်းရင်းမြစ်များ

1 Weche mag Ndalo 13:9

To kane gichopo ei kar dino mar Kidon, Uza norieyo bade mondo osir Sandug Muma mane dhi podho nikech rwedhi mane ywayo gari notangni.

Wuok 19:12

Ket tongʼ ne oganda molworo got kendo nyisgi ni, ‘Beduru motangʼ mondo kik ngʼato idh got kata mulo tie got, nimar ngʼato angʼata mochopo e tiend godni to nyaka negi.

Wuok 19:25

Kuom mano Musa nolor piny ir ji monyisogi gik mane Jehova Nyasaye owachone.

Wuok 24:1

Eka Jehova Nyasaye nowacho ne Musa niya, “Bi ira, in kaachiel gi Harun, Nadab, Abihu kod jodongo piero abiriyo mag Israel. Un to unudongʼ kulemo mochwalore matin,

Wuok 24:9

Musa kod Harun gi Nadab kod Abihu kaachiel gi jodong Israel piero abiriyo nodhi e got

Tim jo-Lawi 10:3

Eka Musa nowacho ni Harun niya, “Ma e gima Jehova Nyasaye nowuoyoe kawacho kama, “ ‘Ananyis kaka an Nyasaye Maler ne jogo masudo buta, kendo nyaka miya luor e nyim ogendini duto.’ ” Wachni nomako dho Harun.

Mathayo 11:12

Chakre ndalo mag Johana ja-Batiso nyaka sani, pinyruodh polo osebedo ka idonje githuon, kendo joma thuondi ema kawe.

Luka 13:24

“Temuru matek mondo udonj e dhoot madiny, nikech awachonu ni, ji mangʼeny biro temo mondo odonj to ok gibi nyalo ngangʼ.

Luka 16:16

“Chik kod Jonabi ne nigi teko nyaka chop ndalo mar Johana. Chakre kanyo, Injili mar pinyruoth Nyasaye osebedo kilando, kendo ngʼato ka ngʼato riyore mondo odonjie.

Johana 1:17

Chik nochiw kokalo kuom Musa, to ngʼwono kod adiera, to Yesu Kristo ema nokelo.

Jo-Rumi 4:15

nikech Chik kelo mirimb Nyasaye. To kama Chik onge, ketho chik bende onge.

Jo-Galatia 3:19

To koro ere tij Chik? Chik nomedi mondo onyis dhano kaka en jaketho, nyaka chop kinde ma nyakwar Ibrahim mane osingi nobi. Malaika nokelo Chik moketo e lwet jathek.

Jo-Galatia 3:22

To Muma wacho ratiro ni piny duto ni e twech mar richo omiyo joma oyie kuom Yesu Kristo kende ema yudo gino mane Nyasaye osingo.

Jo-Hibrania 12:29

nikech “Nyasachwa en mach matieko gik mowangʼo chuth.”

Jo-Hibrania 4:16

Kuom mano, wasuduru but kom duongʼ mar ngʼwono ka wan gi chir, mondo wayud kech gi ngʼwono e sa mwadware kony.