Wuok 19:13 - Motingʼo Loko Manyien

¹³ Ngʼatno nyaka chiel gi kite, kata chwowe gi asere; to kik ngʼato angʼata ket lwete kuome. Bed ni en dhano kata le, ok noweye mondo obed mangima.’ To ji nyalo idho godno mana ka tungʼ oywak kuom thuolo malach.”

MUMA MALER 2015

¹³ To ka unege, kik umule gi lwetu, to goyeuru mana gi kite kata chieleuru mana gi asere. Timuru kamano ni dhano kata ni le. To mak mana ka tung’ oywak eka ji nyalo dhi e got.’ ”

Wuok 19:13 ပူးပေါင်းရင်းမြစ်များ

Wuok 19:14

Bangʼ ka Musa noselor e got modhi ir oganda, nopwodhogi mine gilwoko lepgi.

Wuok 19:16

Chiengʼ mar adek gokinyi, polo nomil kamor, ka boche polo okwako wi got kendo turumbete noywag matek, ma ji duto mane ni e kambi notetni.

Wuok 19:17

Eka Musa notelo ne oganda kawuok e kambi mondo orom gi Nyasaye, kendo negichungʼ e tiend got.

Wuok 19:19

kendo turumbete nomedo ywak matek. Eka Musa nowuoyo kendo Nyasaye nodwoke.

Wuok 34:3

Onge ngʼato angʼata manobi kodi kata manobed machiegni ewi got kata mana chiayo kod kweth mag dhok kik kwaa e alwora mar godno.”

1 Jo-Korintho 15:52

kadiemo wangʼ ka tungʼ mogik noywagi. Nikech ka turumbete noywagi to jomane osetho nochier gi ringruok ma ok tow, to wan to nolokwa ahucha.

1 Jo-Thesalonika 4:16

Nikech Ruoth owuon nolor koa e polo, mi nogol chik gi dwol maduongʼ, ka malaika maduongʼ kok, kendo ka turumbete mar Nyasaye ywak matek; eka joma nosetho kani kuom Kristo nochier mokwongo.

Jo-Hibrania 12:20

nikech ne ok ginyal winjo chik mane Nyasaye omiyogi niya, “Ka chiayo moro ochopo e tiend godni to nyaka chiel gi kite.”

Jong’ad Bura 20:37

Jogo mane osebedo kopondo nodonjo Gibea apoya nono, ka gikere koni gi koni ma ginego ji duto mane ni e dala maduongʼno gi ligangla.