Wuok 18:19 - Motingʼo Loko Manyien

¹⁹ Chik iti mondo angʼadni rieko kendo Nyasaye obed kodi. Onego ibed jachungʼ jogi e nyim Nyasaye kendo iter larruokgi e nyime.

MUMA MALER 2015

¹⁹ We ang’adni rieko, mondo Nyasaye okonyi. In onego ibed jachung’ ni ji e nyim Nyasaye, kiterone ywakgi.

Wuok 18:19 ပူးပေါင်းရင်းမြစ်များ

Chakruok 39:2

Jehova Nyasaye ne ni kod Josef kendo nogwedhe, kendo nodak e od ruodhe ma ja-Misri.

2 Samuel 14:17

“To koro sani jatichni wacho ni, ‘Mad wach ruodha kelna kwe, nimar ruodha ma en ruoth chal gi malaika mar Nyasaye manono ber gi rach. Mad Jehova Nyasaye ma Nyasachi bed kodi.’ ”

Wuok 18:15

Musa nodwoke niya, “Nikech ji biro ira mondo omany dwach Nyasaye.”

Wuok 18:20

Puonjgi buche kod chike duto kendo nyisgi kaka onego gidagi kod tije monego gitim.

Wuok 18:24

Musa nowinjo jaduongʼne mi notimo gik moko duto mane owacho.

Wuok 20:19

mi giwachone Musa niya, “Wuo kodwa in iwuon to wabiro winjo. Kik iwe Nyasaye wuo kodwa nono to wabiro tho.”

Wuok 3:12

Nyasaye nodwoke niya, “Abiro bedo kodi. Ranyisi ma ibiro neno ni An ema aori ema: Ka isegolo ogandani e piny Misri, to ubiro lamo Nyasaye ewi godni.”

Wuok 4:12

Omiyo koro dhiyo, abiro konyi e wuoyo bende abiro puonji gima onego iwachi.”

Wuok 4:16

Obiro wuoyo gi ji kari kendo obiro bedo kaka dhogi bende ibiro bedone kaka Nyasaye.

Ngeche 9:9

Puonj ngʼat mariek, to obiro bedo mariek moloyo, puonj ngʼat makare gimoro, to obiro medo puonjore.

Kwan 27:5

Omiyo Musa nokelo wachgini e nyim Jehova Nyasaye

Mathayo 28:20

kendo kupuonjogi mondo gitim gik moko duto ma asechikou. To awachonu adier ni an kodu ndalo duto, nyaka giko mar ndalo.”

Rapar mar Chik 20:1

Ka udhi kedo gi wasiku kendo uneno farese, geche mag lweny kod jolweny motegno moloyou, to kik gimiu luoro nikech Jehova Nyasaye ma Nyasachu, mane ogolou e piny Misri nobed kodu.

Rapar mar Chik 5:5

(E kindeno ne achungʼ e kindu gi Jehova Nyasaye ka asomoneu wach Jehova Nyasaye, nikech ne uluoro mach kendo ne ok uidho got.) Eka nowacho niya,

Joshua 1:9

Par kaka asechiki. Bed motegno kendo gi chir. Kik iluor kendo kik chunyi nyosre; nikech an Jehova Nyasaye ma Nyasachi abiro bedo kodi kamoro amora midhiye.”