Wuok 17:9 - Motingʼo Loko Manyien

⁹ Eka Musa nonyiso Joshua niya, “Yier jomoko kuom jowa mondo idhi iked gi jo-Amalek. Kiny anachungʼ ewi got gi ludh Nyasaye e lweta.”

MUMA MALER 2015

⁹ Mi Musa nowacho ni Joshua niya, “Yier jomoko mondo kiny udhi ukednwago gi jo-Amalek. An to abiro chung’ ewi got kating’o luth mane Nyasaye omiya.”

Wuok 17:9 ပူးပေါင်းရင်းမြစ်များ

1 Weche mag Ndalo 7:27

Elishama nonywolo Nun, bangʼe Nun nonywolo Joshua.

Wuok 17:13

Kuom mano Joshua noloyo jolwenj jo-Amalek mana gi ligangla.

Wuok 18:21

To nyaka iyier joma niginyalo ma gin ji moluoro Nyasaye, joma ogen ma ok kaw asoya, kendo iketgi gibed jotend ji maromo alufu alufu, mia mia, piero abich abich, kod apar apar.

Wuok 24:13

Eka Musa nochako wuoth gi Joshua jakonyne, kendo Musa nodhi malo e got mar Nyasaye.

Wuok 33:11

Jehova Nyasaye ne wuoyo gi Musa wangʼ gi wangʼ mana ka ngʼato ma wuoyo gi osiepne. Bangʼ mano Musa noduogo e kambi, to Joshua wuod Nun, ma en wuowi mane konye nodongʼ mana e Hema.

Wuok 4:17

To kaw ludhni e lweti nimar ibiro timo kode honni gi ranyisi.”

Wuok 4:2

Eka Jehova Nyasaye nopenje niya, “Mano en angʼo mantie e lwetino?” Musa nodwoko niya, “En luth.”

Wuok 4:20

Omiyo Musa nokawo chiege kod yawuote, mi oketogi e punda kendo nochako wuoth mar dok Misri. Bende nokawo ludh Nyasaye e lwete.

Kwan 11:28

Joshua wuod Nun, mane jakony Musa chakre tin-ne, nowacho ne Musa niya, “Ruodha, kwergi!”

Kwan 13:16

Magi e nying chwo mane Musa ooro mondo onon piny Kanaan. (Musa nomiyo Hoshea wuod Nun nying ni Joshua.)

Kwan 13:8

koa e dhood Efraim, ne en Hoshea wuod Nun;

Kwan 27:18

Omiyo Jehova Nyasaye nowacho ne Musa niya, “Kaw Joshua wuod Nun, ngʼat man-gi Roho, kendo yie lweti kuome.

Tich Joote 7:45

Kane kwerewa oyudo Hemani, ne gitingʼe ka Joshua otelonegi, nyaka negichopo kode e piny ogendini mane Nyasaye oseriembo mondo owenegi. Hemani ne gibedogo nyaka chop kinde mag Daudi.

Rapar mar Chik 32:44

Musa nobiro gi Joshua wuod Nun kendo nosomo weche mag wendni ka ji winjo.

Jo-Hibrania 4:8

Nikech ka dine bed ni Joshua ne nyalo miyogi yweyo, to Nyasaye ok dine owuoyo bangʼe kuom odiechiengʼ machielo.

Joshua 8:18

Eka Jehova Nyasaye nowachone Joshua niya, “Siem yo Ai gi tongʼ mitingʼo e lwetino, nikech e lweti abiro chiwoe dala maduongʼno.” Omiyo Joshua nosiemo tongʼe kochiko Ai.

Joshua 8:3

Omiyo Joshua kod jolweny duto nowuok mondo gimonj Ai. Noyiero joge alufu piero adek molony e lweny mi oorogi oko gotieno komiyogi chik niya,