Wuok 17:15 - Motingʼo Loko Manyien

¹⁵ Musa nogero kendo mar misango mochake ni “Jehova Nyasaye en banderana.”

MUMA MALER 2015

¹⁵ Musa nogero kendo-mar-misango, mi nochake ni Jehova-Nisi, (tiende ni, Ruoth Nyasaye e bandecha.)

Wuok 17:15 ပူးပေါင်းရင်းမြစ်များ

Chakruok 12:7

Jehova Nyasaye nofwenyore ne Abram mi owachone niya, “Anami kothi pinyni.” Omiyo Abram nogero kendo mar misango kanyo ne Jehova Nyasaye mane osefwenyorene.

Chakruok 12:8

Noa kanyo modhi e piny gode ma yo wuok chiengʼ mar Bethel kendo nogero hembe e kind Bethel man yo podho chiengʼ to gi Ai man yo wuok chiengʼ. Kanyo nogeroe kendo mar misango ne Jehova Nyasaye kendo nolamo Jehova Nyasaye kanyo.

Chakruok 22:14

Omiyo Ibrahim nochako kanyo ni Jehova Nyasaye ma Jachiwo kendo nyaka chil kawuono iwacho niya, “E God Jehova Nyasaye ema nochiwe.”

Chakruok 33:20

Kanyo ema nogeroe kendo mar misango kendo nochake ni El-Elohe-Israel (tiende ni Nyasaye ma Nyasach Israel).

Zaburi 60:4

To isechungo bandech loch ni joma oluori mondo oumgi ka oywanegi atungʼ. Sela

Wuok 24:4

Eka Musa nondiko gik moko duto mane Jehova Nyasaye osewachone. Kinyne gokinyi ne ochiewo mi ogero kendo mar misango e tiend got kendo ochungo kite apar gariyo mochungʼ kar ogendini apar gariyo mag Israel.

Wuok 27:1

“Ger kendo mar misango gi yiend siala, ma borne madhi malo romo fut angʼwen gi nus, lachne kod borne mondo obed fut abiriyo gi nus maromre.

Wuok 32:5

Kane Harun oneno kamano, nogero kendo mar misango e nyim nyaroyano kendo nolando niya, “Kiny notim sawo ne Jehova Nyasaye”

Jong’ad Bura 6:24

Omiyo Gideon nogero ne Jehova Nyasaye kendo mar misango mi oluongo kanyo ni Jehova Nyasaye en Kwe. Kendono pod ni Ofra kuno e piny jo-Abiezer nyaka chil kawuono.