Wuok 17:10 - Motingʼo Loko Manyien

¹⁰ Kuom mano Joshua nokedo gi jo-Amalek mana kaka Musa nochiko, kendo Musa gi Harun kod Hur nodhi ewi got.

MUMA MALER 2015

¹⁰ Joshua notimo kaka Musa nochike, mi nokedo gi jo-Amalek, to Musa gi Harun kod Hur ne joidho ewi got.

Wuok 17:10 ပူးပေါင်းရင်းမြစ်များ

1 Weche mag Ndalo 2:19

Kane Azuba otho, Kaleb nonywomo Efrath mane onywolone Hur.

Wuok 17:11

E kinde duto mane Musa osiko kotingʼo bedene malo, to jo-Israel ne loyo, to kane Musa odwoko bedene piny, to jo-Amalek ema ne loyo.

Wuok 17:12

Ka bede Musa nojony, to negikawo kidi mi giketone mondo obedie. Harun gi Hur ne ojuko bedene kotingʼo malo, ka ngʼato achiel omako bade konchiel, to machielo omako komachielo, omiyo bedene nosiko kochungʼ tir nyaka podho chiengʼ.

Wuok 24:14

Nowacho ne jodongo niya, “Ritwauru ka nyaka chop waduog iru. Harun kod Hur ni kodu kendo ngʼato angʼata man-gi wach madwaro loso mondo odhi irgi.”

Wuok 31:2

“Ngʼe ni aseyiero Bezalel wuod Uri, ma wuod Hur, maa e dhood Juda,

Mathayo 28:20

kendo kupuonjogi mondo gitim gik moko duto ma asechikou. To awachonu adier ni an kodu ndalo duto, nyaka giko mar ndalo.”

Johana 15:14

Un osiepena mana kutimo gik ma achikou.

Johana 2:5

Eka min-gi nowachone jotich niya, “Timuru gimoro amora monyisou.”

Joshua 11:15

Kaka Jehova Nyasaye nochiwo chik ni jatichne Musa, omiyo Musa bende nochiwo chik ne Joshua, mi Joshua notimo mano. Onge gima noweyo ma ok otimo kuom gigo duto mane Jehova Nyasaye ochiko Musa.