Wuok 17:1 - Motingʼo Loko Manyien

¹ Oganda jo-Israel duto nochako wuoth kawuok e thim mar Sin, ka giwuotho ka gi kacha mana kaka Jehova Nyasaye nochikogi. Ne gibworo Refidim, to ne onge pi mane ji nyalo modho.

MUMA MALER 2015

¹ Oganda duto mar jo-Israel nowuok e thim Sin, mi giwuotho matintin kaka Ruoth Nyasaye ne chikogi. Ne gibworo Refidim, to pi modho ne onge kuno.

Wuok 17:1 ပူးပေါင်းရင်းမြစ်များ

Wuok 15:22

Eka Musa notelo ni Israel kagiwuok e Nam Makwar kendo negidhi ei thim mar Shur. Kuom ndalo adek ne giwuotho e thim ma ok giyudo pi.

Wuok 16:1

Oganda jo-Israel duto nochako wuoth kawuok Elim mi gidhi e thim mar Sin mantie e kind Elim gi Sinai, chiengʼ mar apar gabich mar dwe mar ariyo bangʼ kane gisewuok Misri.

Wuok 17:8

Jo-Amalek nobiro momonjo jo-Israel Refidim.

Wuok 19:2

Bangʼ kane gisewuok Refidim, negidonjo thim Sinai, kendo Israel nojot e nyim got e thimno.

Kwan 20:2

Koro ne onge pi mane ogandani nyalo modho, kendo ji nochokore mondo okwed Musa gi Harun.

Kwan 9:17

E kinde moro amora ma bor polo ne oa ewi Hema, jo-Israel ne chako wuoth; to e kinde ma bor polo nopiyo ewi Hema, jo-Israel ne goyo kambi.

Kwan 9:23

Kane Jehova Nyasaye ogolo chik negibet e kambi, kendo kane ochako ogolo chik to negichako wuoth. Negirito weche Jehova Nyasaye, kaluwore gi chik mane ochiwo kokalo kuom Musa.