Wuok 16:2 - Motingʼo Loko Manyien

² E thim kanyo oganda jo-Israel duto nongʼur ne Musa gi Harun.

MUMA MALER 2015

² Jo-Israel duto noywak ni Musa gi Harun,

Wuok 16:2 ပူးပေါင်းရင်းမြစ်များ

Chakruok 19:4

Kane pok gidhi e nindo, chwo madongo kod matindo moa kuonde duto mag dala maduongʼ mar Sodom, nobiro molworo odno.

Zaburi 106:13

To ma ok wigi nowil gi gik mane osetimo kendo ne ok girite mondo ongʼadnegi rieko.

Zaburi 106:25

Ne gingʼur ei hembegi kendo ne ok gitimo gik ma Jehova Nyasaye nochikogi.

Zaburi 106:7

Kane kwerewa ni Misri, ne ok giparo matut kuom honni magi; bende ne wigi owil gi kechni mathoth, ne gingʼanyoni e dho nam, ma en Nam Makwar.

Wuok 14:11

Negiwacho ni Musa niya, “Ne onge kuonde yiko mane inyalo yikwae e piny Misri momiyo ikelowa e thim ka mondo wathoe? En angʼo ma isetimonwani kuom golowa e piny Misri?

Wuok 15:24

Kuom mano ogandano nongʼur ne Musa kawacho niya, “Wabiro modho angʼo?”

Wuok 17:3

To kata kamano ji ne riyo mar pi oloyo kanyo, kendo ji nongʼur ni Musa. Negiwachone niya, “En angʼo momiyo nigolowa Misri mondo nyithindwa kaachiel gi jambwa otho?”

Wuok 5:21

kendo negiwachonegi niya, “Mad Jehova Nyasaye neu mi ngʼadnu bura! Usemiyo wadoko gima dungʼ mangʼwe ni Farao kod jodonge kendo useketo ligangla e lwetgi mondo ginegwago.”

Kwan 14:22

ni onge kata mana ngʼato achiel kuomgi mane oneno duongʼ mara kod ranyisi mag honni mane atimo Misri kendo e thim, to ne ok owinja kendo otema nyadipar; ma nochopi e piny mane asingonegi.

1 Jo-Korintho 10:10

Bende kik wangʼur, kaka moko kuomgi notimo, mi malaika mar tho nonegogi.