Wuok 16:14 - Motingʼo Loko Manyien

¹⁴ Kane thoo oserumo, gik marochere mongʼinore ongʼinore momoko ewi lowo nonenore.

MUMA MALER 2015

¹⁴ To kane tho orumo, gik moko matindotindo, mong’inore machalo gi tho, nodong’ e thim.

Wuok 16:14 ပူးပေါင်းရင်းမြစ်များ

Nehemia 9:15

Ka kech ne kayogi to ne imiyogi makati koa e polo kendo ka riyo noloyogi to ne ikelo pi koa e kor lwanda; bende ne inyisogi mondo gidhi gikaw pinyno mane isesingo kikwongʼori ni ibiro miyogi.

Zaburi 105:40

Kane gikwaye, to nokelonegi aluru kendo noyiengʼogi gi makati mar polo.

Zaburi 147:16

Oyaro pe ka yie rombo kendo okeyo ongʼwengʼo ka buru.

Zaburi 78:24

ne oolo mana piny ka koth mondo ji ocham, adier, nomiyogi chiemb polo.

Wuok 16:31

Oganda jo-Israel noluongo makatino ni manna nikech nochalo gi kodhi matindo tindo marachere, kendo ne en gi ndhandhu machal gi kek moted gi mor kich.

Rapar mar Chik 8:3

Nodwokou piny momiyo kech okayou, eka bangʼe nomiyou manna mondo ucham ma en chiemo mane pok uneno ma kata mana kwereu bende ne pok oneno. Notimonu kamano mondo opuonjugo ni dhano ok bed mangima nikech chiemo kende to nikech wach ka wach moa e dho Jehova Nyasaye.