Wuok 15:22 - Motingʼo Loko Manyien

²² Eka Musa notelo ni Israel kagiwuok e Nam Makwar kendo negidhi ei thim mar Shur. Kuom ndalo adek ne giwuotho e thim ma ok giyudo pi.

MUMA MALER 2015

²² Musa nogolo jo-Israel e dho Nam Makwar, kuma ne gibworoe, mi ne giwuotho e thim Shur kuom ndalo adek ma ok giyudo pi.

Wuok 15:22 ပူးပေါင်းရင်းမြစ်များ

Chakruok 16:7

Malaika mar Jehova Nyasaye noyudo Hagar machiegni gi soko e thim; ne en soko manie bath yo madhi Shur.

Chakruok 20:1

Ibrahim nowuotho moa kanyo modhi e gwenge mag Negev kendo odak e kind Kadesh kod Shur. Nodak Gerar kuom kinde matin,

Chakruok 25:18

Nyikwaye nodak e gwengʼ manie kind Havila nyaka Shur, machiegni gi tongʼ Misri kochomo yo Ashur kendo negidak kagimonre gowetene.

Zaburi 136:16

ne En mane otelo ne joge e thim, Herane osiko nyaka chiengʼ.

Zaburi 77:20

Ne itelone jogi ka rombe ka gin e lwet Musa gi Harun.

Zaburi 78:52

To joge to nogolo oko mana ka kweth, kendo notelonegi ka rombe koyoro kodgi thim.

Zaburi 78:53

Ne otayogi maber omiyo ne gionge gi luoro, to wasikgi to ne nam omwonyo.

Wuok 17:1

Oganda jo-Israel duto nochako wuoth kawuok e thim mar Sin, ka giwuotho ka gi kacha mana kaka Jehova Nyasaye nochikogi. Ne gibworo Refidim, to ne onge pi mane ji nyalo modho.

Wuok 3:18

“Jodong jo-Israel biro winjo gima iwacho. Bangʼ mano in kaachiel gi jodongo unudhi ir ruodh Misri mi uwachne kama: ‘Jehova Nyasaye, ma Nyasach jo-Hibrania oseromo kodwa. Omiyo yie iwe wadhi e thim kama kawo wuodh ndalo adek mondo wachiwne Jehova Nyasaye ma Nyasachwa misengini.’

Kwan 33:8

Negiwuok Pi Hahiroth mi gingʼado nam nyaka e thim, kendo kane gisewuotho kuom ndalo adek e Thim mar Etham, negibuoro Mara.

1 Samuel 15:7

Eka Saulo nokedo gi jo-Amalek kochakore Havila nyaka ochopo Shur to nyaka ochopo yo wuok chiengʼ mar Misri.

1 Samuel 27:8

Koro Daudi gi joge nodhi momonjo jo-Geshur, jo-Girzi, gi jo-Amalek. Kochakore chon jogi nodak e piny mochopo Shur nyaka Misri.