Wuok 15:20 - Motingʼo Loko Manyien

²⁰ Eka Miriam janabi madhako ma nyamin Harun, nokawo oyieke e lwete kendo mon duto noluwo bangʼe ka gin gi oyieke kendo ka gimiel.

MUMA MALER 2015

²⁰ Miriam janabi ma nyamin Harun nokawo bul, kendo mon duto nowuok moluwo bang’e, ka goyo bul kendo miel.

Wuok 15:20 ပူးပေါင်းရင်းမြစ်များ

Chakruok 31:27

Ere gima nomiyo iringo lingʼ-lingʼ ka akia? Angʼo ma nomoni nyisa, mondo omi asewi gi mor kiwerni kendo igoni thum?

2 Samuel 1:20

“Kik iwach wachni e piny Gath, kik ihul wachni e yore man Ashkelon, nono to dimi nyi jo-Filistia bed moil, bende dimi nyi joma ok oter nyangu bed moil.

2 Samuel 6:14

Daudi, korwako law mayom mar dolo miluongo ni efod, nomiel aduwa e nyim Jehova Nyasaye gi tekre duto,

2 Samuel 6:16

E kinde mane Sandug Muma mar Jehova Nyasaye donjo e Dala Maduongʼ mar Daudi, Mikal nyar Saulo nongʼicho gie dirisa. Kendo kane oneno Ruoth Daudi kachikore kendo miel aduwa e nyim Jehova Nyasaye, nochaye gi chunye.

2 Samuel 6:5

Daudi kod dhood Israel duto ne miel gi tekregi duto e nyim Jehova Nyasaye ka giwer gi thumbe gi nyatiti gi orutu gi oyieke gi kayamba gi nyiduonge.

2 Ruodhi 22:14

Hilkia jadolo, Ahikam, Akbor, Shafan kod Asaya nodhi wuoyo gi Hulda janabi madhako, mane chi Shalum wuod Tikva, ma wuod Harhas, jarit kar keno mar lep lemo. Nodak Jerusalem, e gwengʼ mar ariyo.

1 Weche mag Ndalo 15:16

Daudi nowachone jotend jo-Lawi mondo oyier jowetegi kaka jower mondo ower wende mag mor ka gigoyo thumbe machalo orutu, nyatiti gi ongengʼo.

1 Weche mag Ndalo 6:3

Nyithind Amram ne gin: Harun, Musa kod Miriam. Yawuot Harun ne gin: Nadab, Abihu, Eliazar kod Ithamar

Nehemia 6:14

Par Tobia kod Sanbalat, yaye Nyasacha, kuom gima gisetimo; par bende janabi madhako miluongo ni Noadia kod jonabi mamoko mosetemo bwoga.

Zaburi 149:3

Onego gi pak nyinge gi miel kendo giwerne mamit ka gigoyo oyieke gi nyatiti.

Zaburi 150:4

pakeuru kugoyo oyieke kendo umiel, ee, pakeuru gi gita kod oporo,

Zaburi 30:11

Ne iloko ywakna modoko miel; ne igolo lawa mar kuyo mi irwakona law mor,

Zaburi 68:11

Ruoth nolando wach kendo oganda mane okawo wachno mi okeye ne duongʼ mokalo:

Zaburi 68:25

Joma wer gi dhogi otelo eka joma wer ka goyo thumbe luwogi, nyiri magoyo oyieke bende ni kodgi machiegni.

Zaburi 68:26

Pakuru Nyasaye e dier chokruok maduongʼ; pakuru Jehova Nyasaye e dier chokruok mar jo-Israel.

Zaburi 81:2

Chakuru wer, yiekuru oyieke; gweluru nyatiti gi asili mamit.

Wuok 2:4

Nyamin nyathino nochungʼ gichien mondo one ane gima biro timore ni nyathino.

Eklesiastes 3:4

kinde mar kuyo kod kinde mar mor, kinde mar ywak kod kinde mar miel,

Jeremia 31:4

Anageru kendo to bende enogeru, yaye Israel ma nyako ngili. Bende unugo nyiduongeu kendo, mi udhi oko ma umiel gi ilo.

Mika 6:4

Ne agolou e piny Misri kendo agonyou thuolo e piny wasumbini. Ne aoro Musa, mondo otelnu, bende naoro Harun gi Miriam.

Kwan 12:1

Miriam kod Harun nochako wuoyo marach kuom Musa nikech jaode ma nyar jo-Kush, nimar ne onywomo nyar Kush.

Kwan 12:2

Negipenjore niya, “Bende Jehova Nyasaye osewuoyo kokalo kuom Musa kende? Donge osewuoyo kokalo kuomwa bende?” Kendo Jehova Nyasaye nowinjo ma.

Kwan 20:1

E dwe mokwongo oganda jo-Israel duto nochopo e Thim mar Zin, kendo negidak Kadesh. Kanyo ema Miriam nothoe moike.

Kwan 26:59

kendo jaod Amram ne nyinge Jokebed, ma nyakwar Lawi, mane onywol ne jo-Lawi e Piny Misri. Amram nonywolo Harun, Musa kod nyamin-gi Miriam.

Luka 2:36

Ne nitie janabi madhako bende, Ana, nyar Fanuel ma ja-dhood Asher. Ne oti ahinya; bende noyudo osedak gi chwore higni abiriyo bangʼ kendne,

Tich Joote 21:9

Filipo ne nigi nyiri angʼwen mapok okendi mane gin johul wach.

1 Jo-Korintho 11:5

Kamano bende dhako malemo kata makoro e chokruok, ka ok otweyo kitamba okuodo wi chwore, nikech onge pogruok e kinde gi dhako moliel yie wiye.

1 Jo-Korintho 14:34

jomamon onego olingʼ e kanisa. Ok oyienigi wuoyo, nyaka giwinj puonj mana ka gilingʼ kaka chik wacho.

Jong’ad Bura 11:34

Kane Jeftha odwogo dalane man Mizpa, noneno mana nyare kamiel kabiro romone! Ne en gi nyako achiel kende maonge wuowi kata nyako moro machielo.

Jong’ad Bura 21:21

kendo uritane. Ka nyiri moa Shilo owuok oko mondo gibi e nyasi, to ringuru uwuogi mapiyo kua e puothe mzabibu mondo ngʼato ka ngʼato oyud dhako kuom nyirigo mondo udog-go e piny jo-Benjamin.

Jong’ad Bura 4:4

Debora, janabi madhako, ma chi Lapidoth, notelo ne jo-Israel e kindeno.

1 Samuel 10:5

“Bangʼ mano ibiro dhi Gibea miluongo ni Got mar Nyasaye kama nitie kambi mar jo-Filistia. Ka ichopo machiegni gi dala to ibiro romo gi oganda jonabi kalor koa kar lemo kotelnegi gi joma goyo orutu, gi tamborin, asili gi nyatiti, kendo jonabi biro biro ka gikoro wach.

1 Samuel 18:6

Kane ji duogo dala bangʼ ka Daudi nosenego ja-Filistia, mon nowuok e mier matindo duto mag Israel mondo oromne Ruoth Saulo ka giwer kendo gimiel, ka igoyo tamborin gi asili.