Wuok 14:28 - Motingʼo Loko Manyien

²⁸ Pi nogingore kadok kare kendo noimo geche gi joidh farese gi jolweny Farao duto mane olawo jo-Israel nyaka e nam. Onge kata achiel kuomgi mane otony.

MUMA MALER 2015

²⁸ Pi noduogo, moimo geche lweny gi joidh farese kod jolweny duto mag Farao ma nolawo jo-Israel ei nam. Onge kata ng’at achiel mane odong’.

Wuok 14:28 ပူးပေါင်းရင်းမြစ်များ

Zaburi 78:53

Ne otayogi maber omiyo ne gionge gi luoro, to wasikgi to ne nam omwonyo.

Habakuk 3:13

Ne ibiro mondo ires jogi, mondo iwar ngʼatno mowal. Ne inyono jatend piny richo, ne ilonye duk koa e tiende piny nyaka e wiye. Sela

Zaburi 136:15

to Farao gi jolwenje to nomiyo Nam Makwar oywero; Herane osiko nyaka chiengʼ.

Jo-Hibrania 11:29

Yie ema nomiyo jo-Israel okalo Nam Makwar mana ka gima gikalo lowo motwo. Jo-Misri to ka notemo timo kamano to ne ginimo giduto.

Nehemia 9:11

Ne ibaro nam makwar ka gineno, mondo ne mi gikal kama otwo, makmana jogo mane lawogi ne inyumo e bwo nam, mana kaka kidi modir e ataro mar pi.

2 Weche mag Ndalo 20:24

Kane jo-Juda nobiro kama omanyore gi kama otimo ongoro kendo gingʼiyo oganda lweny maduongʼ, negineno mana ringre joma otho koriere piny kendo ne githo maonge ngʼama notony.

Rapar mar Chik 11:4

Bende nuneno gima notimone jolwenj Misri, faresegi kod gechegi kane gilawou mi Nam Makwar oimogi kendo mi Jehova Nyasaye otiekogi pep.

Wuok 15:10

Kane ikudho muchi kende, to nam noimogi. Ne ginimo ka chuma e apaka maduongʼ.

Wuok 14:13

Musa nodwoko ogandano niya, “Kik ubed maluor. Chungʼuru motegno eka ubiro neno resruok ma Jehova Nyasaye biro kelonu kawuono. Jo-Misri ma uneno kawuononi ok unuchak une kendo.

Wuok 15:19

Ka farese Farao gi gecheni kod joidh faresene ne odhi e nam, Jehova Nyasaye nomiyo pi nam odok e wangʼe mi oimogi, to jo-Israel nongʼado nam kawuotho ewi lowo motwo.

Jong’ad Bura 4:16

To Barak nodhi nyime gi lawo geche kod jolweny ma ochopo Harosheth Hagoyim. Oganda lweny duto mar Sisera noneg gi ligangla; kendo onge ngʼama notony.

Chakruok 7:18

Pi nogingore kendo omedore ahinya e piny kendo yie ne lewore ewi pi.

Chakruok 50:9

Joriemb geche gi Farese bende nodhi kode. Ne en gi oganda maduongʼ.

Zaburi 106:22

Nyasaye mane osetimo honni e piny Ham kod timbe miwuoro e dho Nam Makwar.