Wuok 14:27 - Motingʼo Loko Manyien

²⁷ Musa norieyo bade e nam kendo ka piny ne oyawore, to nonwangʼo ka pi osedok e wangʼe. Jo-Misri ne ringo kochomo dier nam, kendo Jehova Nyasaye noywerogi gi pi nyaka ei namno.

MUMA MALER 2015

²⁷ Mi Musa norieyo bade e nam, kendo kane piny oyawore, pi noduogo e wang’e machon. Jo-Misri noyudo ringo kane pi duogo, mi Ruoth Nyasaye notiekogi e chuny nam.

Wuok 14:27 ပူးပေါင်းရင်းမြစ်များ

Nehemia 9:11

Ne ibaro nam makwar ka gineno, mondo ne mi gikal kama otwo, makmana jogo mane lawogi ne inyumo e bwo nam, mana kaka kidi modir e ataro mar pi.

Zaburi 106:11

Pi noimo wasikgi; ma kata achiel kuomgi ne ok otony.

Zaburi 136:15

to Farao gi jolwenje to nomiyo Nam Makwar oywero; Herane osiko nyaka chiengʼ.

Zaburi 78:53

Ne otayogi maber omiyo ne gionge gi luoro, to wasikgi to ne nam omwonyo.

Isaya 10:26

Jehova Nyasaye Maratego nochwadgi gi del, mana kaka e kinde mane ogoyo jo-Midian, e lwanda mar Oreb; kendo enorie ludhe ewi pi mana kaka ne otimo Misri.

Rapar mar Chik 11:4

Bende nuneno gima notimone jolwenj Misri, faresegi kod gechegi kane gilawou mi Nam Makwar oimogi kendo mi Jehova Nyasaye otiekogi pep.

Jo-Hibrania 11:29

Yie ema nomiyo jo-Israel okalo Nam Makwar mana ka gima gikalo lowo motwo. Jo-Misri to ka notemo timo kamano to ne ginimo giduto.

Joshua 24:7

To ne giywakne Jehova Nyasaye mondo okonygi, omiyo ne oketo mudho e kindu gi jo-Misri; mi nam oimogi. Ne uneno gima ne atimone jo-Misri. Bangʼ mano nudak e thim kuom ndalo marabora.

Joshua 4:18

Kendo jodolo nowuok oko e aora kotingʼo Sandug Muma mar singruok mar Jehova Nyasaye. Kadiemo wangʼ kapok giketo tiendegi e lowo motwo, to pige mag aora Jordan noduogo e wangʼe mi ochako mol mogingore kaka chon.