Wer Mamit 8:7 - Motingʼo Loko Manyien

⁷ Pige mathoth ok nyal nego hera; kendo kata aore maringo ok nyal ywere. Ka dipo ni ngʼato dichiw mwandu duto mag ode mondo oyud hera, to mano dibed fuwo maduongʼ.

MUMA MALER 2015

⁷ ma kata pi mathoth manade ok nyal nego. Adier, kata ohula maduong’ manade ok nyal yuoye. To ka ng’ato otemo ni ng’iewo hera, kata mana gi mwandune duto, to achaye kende ema oyudo.”

Wer Mamit 8:7 ပူးပေါင်းရင်းမြစ်များ

Chakruok 39:19

Ka ruodhe nowinjo gima chiege owachone kuom gima jatichne osetimone, iye nowangʼ matek.

Zaburi 15:4

Ngʼat machayo ngʼama timbene richo mokalo tongʼ, to miyo joma oluoro Jehova Nyasaye duongʼ, Ngʼat marito singruok motimo kata bed ni timo kamano hinye,

Ngeche 6:31

Kata kamano ka omake, to nyaka ochul nyadibiriyo, kata obedo ni en nengo mapek kuome makawo mwandu mag ode duto.

Ngeche 6:35

Ok enoyie chudo moro amora; ok enoyie asoya kata obedo ni en gima duongʼ manade.

Isaya 43:2

Ka ikadho ei pige matut, to anabed kodi; kendo ka ungʼado aore to ok giniteru. Ka uwuotho e mach mager to ok nowangʼu, kata mana mach makakni ok nowangʼu.