Wer Mamit 7:8 - Motingʼo Loko Manyien

⁸ Ne awacho niya, “Abiro lwenyo yiend othith; nyaka amak olembe gi lweta.” Mad thundeni chal gi olemb, mzabibu mochokore kanyachiel, to tik mar muchi chal gi olemo mayom,

MUMA MALER 2015

⁸ Emomiyo abiro idho yadhno mondo apon olembene! Thundeni chalona saga mar olemo, kendo muchi dumna mamit mana ka maua.

Wer Mamit 7:8 ပူးပေါင်းရင်းမြစ်များ

Wer Mamit 1:3

Modhi miwirorigo dungʼ mamit; kendo nyingi chalo gi mo mangʼwe ngʼar ma pukore oko. Kare mano emomiyo nyiri duto oheri!

Wer Mamit 2:3

Mana kaka yiend olemo mayom manie dier yiende mamoko mag bungu, e kaka jaherana chalo e dier chwo matindo. Amor ka abet e tipone, kendo olembe milimili e dhoga.

Wer Mamit 2:5

Miya jip gi olemb mzabibu mosemo e chiengʼ, duog chunya gi olemo mayom, nikech hera onura.

Wer Mamit 4:16

Wuogi ka ikudho, in yamb nyandwat, bende in yamb milambo kudhi! Kudhi e puotha, mondo tikne okere malach. We jaherana koro obi odonji e puothe kendo obil olembene moyiedhi kendo mamit.

Wer Mamit 7:7

Dendi odongo mana ka othith, to thundi to chalo mana ka olemo, mogudore kanyachiel.

Jeremia 32:41

Anabed gi mor kuom timonegi maber kendo adiera anaketgi e pinyni gi chunya duto kod parona duto.

Joel 1:12

Mzabibu osetwo kendo ngʼowu osener, olemo mongʼinore, gi othidhe kod mapera kaachiel gi yiende duto mag puodho osetwo. Adier mor mar dhano bende oserumo.

2 Jo-Korintho 2:14

Erokamano ni Nyasaye, ma kinde duto telonwa kaka joma oselocho kuom Kristo, kendo ma konyore kodwa kuom keyo tik mamit mar ngʼeyo Kristo.