Wer Mamit 5:9 - Motingʼo Loko Manyien

⁹ Ere kaka jaherani oloyo chwo mamoko, yaye jaber mogik e dier nyiri mabeyo duto? Ere kaka jaherani oloyo chwo mamoko, momiyo imiyowa chik ma kamano?

MUMA MALER 2015

⁹ “In nyako ma jaber moloyo nyiri duto gi ber, nyiswae kaka jaheranino chalo. Ang’o ma oloyogo yawuowi moko duto, momiyo ichikowa matek kamano?”

Wer Mamit 5:9 ပူးပေါင်းရင်းမြစ်များ

Zaburi 45:13

Duongʼ olworo ruoth madhako koni gi koni e kar dakne; law abola mare oton-oton gi dhahabu.

Zaburi 87:3

Ji wacho gik madongo kuomi, yaye dala maduongʼ mar Nyasaye: Sela

Wer Mamit 1:8

Ka ok ingʼeyo, yaye jaber moloyo mon mamoko, lu bangʼ rombe kuonde ma gikwayoe, mondo ikwa nyidiek ma pod tindo e bath hembe mag jokwath.

Wer Mamit 2:7

Un nyi Jerusalem, asiemou gi nying nyakech kod mwanda manie e thim, ni kik utug hera kata chiewe ka sa ne pok oromo.

Wer Mamit 6:1

Jaherani olal kune, yaye jaber mogik e dier nyiri mabeyo? Jaherani ne oluwo kanye, mondo wakonyi manye?

Isaya 53:2

Nodongo e nyime mana ka chuny yath mayom matwi; kendo mana ka tiend yath madongo kaa e lowo motwo. Ne oonge gi chia kata duongʼ moro mane nyalo lombo wangʼwa kuome, kendo onge gima ne nenore kuome maber mane nyalo miyo wahere.

Mathayo 21:10

Kane Yesu odonjo Jerusalem to dala duto ne iye osakni kendo ji nopenjore kendgi niya, “Ma to ngʼa?”

Johana 1:14

Wach nodoko dhano kendo nodak kodwa. Waseneno duongʼne, ma en duongʼ mar Wuowi ma Miderma, ma noa ka Wuoro kopongʼ gi ngʼwono kod adiera.