Wer Mamit 4:8 - Motingʼo Loko Manyien

⁸ Yaye jaherana, bi wadhi kodi ka waa e got Lebanon, adier bi koda walor ka waa Lebanon. Lor piny ia e chuny got Amana, lor ia ewi got mar Senir gi Hermon, wuog e bur sibuoche kendo wuog ewi got kama kwach oloko miechgi.

MUMA MALER 2015

⁸ Chiega, bi walor waa e got Lebanon. Adier, bi walor waa Lebanon. Wuogi ia e got Amana gi got Senir kod Hermon, kuonde ma sibuor gi kwach odakie.

Wer Mamit 4:8 ပူးပေါင်းရင်းမြစ်များ

1 Ruodhi 4:33

Nowuoyo kuom kit yien kochako gi yiende Sida mag Lebanon nyaka owino magawore e kor udi. Bende nopuonjo ji kuom le kod winy gi le mamol kod rech.

2 Ruodhi 5:12

Aore man Damaski ma gin Abana kod Farpar, donge beyo moloyo aore mag Israel? Donge ne anyalo lwokora e aorego mi achangi?” Omiyo nodok ka iye owangʼ.

1 Weche mag Ndalo 5:23

Nus mar dhood jo-Manase ne ngʼeny mokadho; negidak e piny jo-Bashan nyaka Baal Hermon, gi Senir ma en Got Hermon.

Zaburi 45:10

Winji nyara, bed mos, kendo chik iti: Gol pachi kuom jou kaachiel gi jood wuonu monywoli.

Zaburi 72:16

Mad cham bed mangʼeny e piny duto, bende gikwak nyaka wi godo matindo duto. Mad olembene ol mathoth ka Lebanon, kendo mad onyagi ka lum manie pap.

Zaburi 76:1

Nyasaye en rahuma e piny Juda, kendo nyinge duongʼ e piny Israel.

Zaburi 76:4

Duongʼ mari ler okwako kendo iyombo gode momew gi kit le mayoreyore.

Zaburi 89:12

Ne ichweyo nyandwat gi milambo; Tabor gi Hermon pako nyingi gi wer gi mor.

Ngeche 9:6

Weuru yoreu maonge rieko, eka unubed mangima, wuothuru e yor winjo kod ngʼeyo.

Wer Mamit 2:13

Yiend ngʼowu golo olembene mokwongo; thiepe mag mzabibu keyo tikgi mamit. Aa malo ibi, jaherana; bi mondo wadhiyo, yaye jaber.”

Wer Mamit 5:1

Asebiro e puotha, yaye jaherana; asechoko ubani gi modhi madungʼ tik mangʼwe ngʼar, asechamo pednina kaachiel kod mor kich mara; kendo asemadho divaina kod chak. Yaye osiepena, chiemuru kendo methuru; yaye joherana, methuru ma romu.

Wer Mamit 7:11

Bi, jaherana, bi wadhi waba ei gwengʼ, kendo wanind oko e bunge.

Isaya 62:5

Kaka wuowi kendo nyako e kaka yawuoti nokendi; to bende kaka ngʼama okendo mor gi chiege, e kaka Nyasachi nobed mamor kodi.

Ezekiel 27:5

Negiloso bepeni duto gi yiende mabeyo moa Senir; ne gikaw bepe mag sida moa Lebanon mondo gilosnigo tanga mar yie?

Johana 12:26

Ngʼato angʼata matiyona nyaka luwa, kendo kama antie ema jatichna bende nobedie. Ngʼat matiyona Wuora biro miyo duongʼ.

Rapar mar Chik 3:25

We angʼadi adhi ane piny maber loka Jordan piny gode kod Lebanon.”

Rapar mar Chik 3:9

(Hermon iluongo ni Sirion gi jo-Sidon, to jo-Amor luonge ni Senir).

Joshua 12:1

Magi e ruodhi mag pinje mane jo-Israel oloyo kendo mane gikawo gwengegi ma yo wuok chiengʼ mar aora Jordan, kochakore e holo mar Arnon nyaka e Got Hermon, moriwo nyaka yo wuok chiengʼ mar Araba.