Wer Mamit 4:11 - Motingʼo Loko Manyien

¹¹ Yaye jaherana, pien dhogi mit ka mor kich; lewi chalona chak kata mor kich. Lewni mirwako dungʼ tik mamit mana ka tik mamit mar got Lebanon.

MUMA MALER 2015

¹¹ Dhogi mit ka mor kich, yaye jaherana. Adier, lewi chalona chak kata mor kich. Lepi dum tik mamit mana ka tik mamit mar god Lebanon.

Wer Mamit 4:11 ပူးပေါင်းရင်းမြစ်များ

Chakruok 27:27

Kuom mano nodhi ire ma onyodhe. Kane Isaka owinjo tik lepe, nogwedhe kendo owachone niya, “Ee, tik mar wuoda dungʼ mamit machalo gi tik mar puodho, ma Jehova Nyasaye osegwedho.

Zaburi 19:10

Gibeyo moloyo dhahabu, moloyo dhahabu malerie moloyo; gimit moloyo mor kich moa e pedni.

Zaburi 45:8

Lepi maboyo duto dungʼ tik mane-mane gi poda kod kasia; moa e ute ruodhi molichi gi lak liech. Wende mindito gi gig wer miyi mor.

Zaburi 92:13

Nikech opidhgi e od Jehova Nyasaye, gibiro loth e agolni mag Nyasachwa.

Ngeche 16:24

Weche mag mor chalo gi mor kich gimit ne chuny kendo gikelo ngima ni choke.

Ngeche 5:2

eka isik kingʼeyo pogo tiend weche kendo dhogi norit rieko.

Ngeche 5:3

Nimar dho jachode wacho weche mamit ka mor kich, kendo wuoyone yom maloyo moo;

Wer Mamit 4:10

Mano kaka herani miya mor, yaye osiepna, ma ahero; mano kaka herani kelo mor mangʼeny moloyo divai, kendo ngʼwe ngʼar moloyo modhi mamoko duto!

Wer Mamit 4:3

Pien dhogi chalo gi law marakwaro; kendo dhogi ber ahinya. Lembi moum gi law yom machalo mana gi olemo mongʼinore.

Wer Mamit 5:1

Asebiro e puotha, yaye jaherana; asechoko ubani gi modhi madungʼ tik mangʼwe ngʼar, asechamo pednina kaachiel kod mor kich mara; kendo asemadho divaina kod chak. Yaye osiepena, chiemuru kendo methuru; yaye joherana, methuru ma romu.

Wer Mamit 5:13

Lembe chalo gi apilo mokuogi magolo suya mamit. Pien dhoge chalo ondanyo, ma mo madungʼ tik mangʼwe ngʼar tonie.

Wer Mamit 7:9

kendo dhogi chal mana gi divai mamit. Mad divai lor mos e dwond jaherana, kamol mos e kind lewe kod lekene komadhe.

Isaya 7:15

Obiro chamo mana mor dhiangʼ kod mor kich nyaka chop orom pogo rach gi ber.

Hosea 14:2

Kaw wechegi kendo uduog ir Jehova Nyasaye! Wachne kama: “Wenwa richowa duto, kendo yie irwakwa gi ngʼwono, mi wanapaki gi dhowa.

Jo-Hibrania 13:15

Kuom mano watimuru ne Nyasaye misango mar pak ndalo duto ka wan kuom Yesu. Pak makamano en olemo mawuok e dhowa ka hulo nyinge.