Wer Mamit 3:7 - Motingʼo Loko Manyien

⁷ Neuru, en gach Solomon, kikowe gi jolweny piero auchiel, ma gin jo-Israel maroteke,

MUMA MALER 2015

⁷ Neuru, giting’o kom miting’oe Solomon, kendo thuwondi piero auchiel olwore. Gin jolweny magerie moloyo e Israel.

Wer Mamit 3:7 ပူးပေါင်းရင်းမြစ်များ

1 Ruodhi 14:27

Omiyo ruoth Rehoboam nochwogo okumbni mag nyinyo mondo oket kar mane okawgo kendo nomiyo jotelo mag jorit mane rito rangach midonjogo e dala ruoth.

1 Ruodhi 9:22

To Solomon ne ok oketo ja-Israel moro amora obedo kaka misumbane, to noketogi kaka jolwenje, gi nyipechene kod jodonge mag pinygi gi jotend lweny, jotelo mag geche lweny kod joriemb gechene.

2 Ruodhi 6:17

Kendo Elisha nolemo niya, “Jehova Nyasaye, yaw wangʼe mondo onen.” Eka Jehova Nyasaye noyawo wangʼ jatijno, kendo noneno farese kod geche lweny ewi got kolworo Elisha.

Nehemia 4:13

Emomiyo ne aketo jomoko e tok ohinga kuonde modok gi piny ma ginyalo nenogo wasigu ka aketogi dala ka dala, ka gin-gi ligengni, tonge kod atungʼ.

Wer Mamit 1:16

Mano kaka iber, jaherana! Yaye, mano kaka berni olomba! Kendo kitandawa bende yom ka lum mangʼich.

Wer Mamit 3:6

Mano to ngʼa mabiro koa e piny motimo ongoro machalo ka iro madhwolore, mowirore gi modhi mangʼwe ngʼar, kendo molosi gi gik madungʼ mangʼwe ngʼar mag jo-ohala madongo?

Wer Mamit 3:8

giduto gimanore gi ligangla, giduto gilony e kedo, ka ngʼato ka ngʼato nigi liganglane e bathe, koikore ne gik mabwogo ji gotieno.

Wer Mamit 3:9

Ruoth Solomon noloso garino ne en owuon; nolose gi bepe moa Lebanon.

Jo-Hibrania 1:14

Donge malaike duto gin roho ma Nyasaye oketo mondo oti ni joma Nyasaye biro reso?

1 Samuel 14:52

E ndalo duto mag Saulo ne nitie lweny malit ahinya e kinde gi jo-Filistia, kendo kinde ma Saulo noneno ngʼat maratego kata mathuon to ne okawe mondo obed jalwenje.

1 Samuel 28:2

Daudi nowachone niya, “To koro inine gi wangʼi gima jatiji nyalo timo.” Akish nodwoke niya, “Mano ber, abiro keti jaritna e ndalo duto mar ngimana.”

1 Samuel 8:16

Nomau jotiju machwo gi ma nyiri, kaachiel gi jambu mabeyo moloyo, kod pundeu nokawgi mondo giti tijene owuon.