Wer Mamit 3:4 - Motingʼo Loko Manyien

⁴ Gikanyono, kane pok asudo mabor kodgi, ne ayudo ngʼat ma chunya ohero. Ne amake matek, kendo ne adagi weye thuolo mondo odhi mine akele nyaka e od minwa, kama ne onywolae.

MUMA MALER 2015

⁴ Piyopiyo nono kane aseweyogi ne ayudo jaherana. Ne akwake matek, ma ok aweyone thuolo, nyaka ne atere e od mama, kama ne onywolae.

Wer Mamit 3:4 ပူးပေါင်းရင်းမြစ်များ

Chakruok 32:26

Ngʼatno nowacho niya, “We adhi, nikech en odiechiengʼ.” To Jakobo nodwoke niya, “Ok abi weyi idhi nyaka igwedha.”

Ngeche 4:13

Mak motegno gima isepuonjori, kik iweye, olalni to irite maber, nikech en e ngimani.

Ngeche 8:17

Ahero jogo mohera, to jogo ma manya yuda.

Wer Mamit 1:7

Yaye jaherana, nyisane kuma ikwayoe jambi kod kuma iweye rombi mondo oyweyee odiechiengʼ tir. Angʼo momiyo dachal mana gi dhako moumo wangʼe e dier jamb osiepeni?

Wer Mamit 6:12

Apoya nono, kapok angʼeyo, gombona notingʼa motera nyaka dier geche joka ruoth.

Wer Mamit 7:5

Wiyi miyi duongʼ mana ka Got Karmel, yie wiyi to ochanore ka orengo mar ruoth, kendo omako pach ruoth.

Wer Mamit 8:2

Dine amako badi, mi akeli nyaka e od minwa kama ne opuonjae. Dine amiyi divai moketie yedhe madungʼ tik mamit mondo imadhi; kendo dine amiyi olemo mongʼinore makwar.

Isaya 45:19

Ok asewuoyo kama opondo, kata kama otimo mudho; ok asewachone nyikwa Jakobo ni, ‘Manyauru kayiem nono.’ An, Jehova Nyasaye, awacho adiera; awacho gima kare.

Jeremia 29:13

Unudwara kendo unuyuda ka udwara gi chunyu duto.

Ywagruok 3:25

Jehova Nyasaye ber ne jogo ma genogi ni kuome, kendo ne ngʼatno madware,

Mathayo 28:9

To apoya nono Yesu norado kodgi, mowachonegi niya, “Misawauru.” Kendo negisudo bute mi gimoko e tiendene, kendo gilame.

Mathayo 7:7

“Kwauru to nomiu; dwaruru to unuyudi; kendo dwongʼuru to noyawnu dhoot.

Jo-Rumi 8:35

En angʼo manyalo pogowa gihera mar Kristo? Dobed masira, koso chandruok, koso sand, koso kech, koso duk, koso gima rach, koso ligangla?

Jo-Rumi 8:39

kata bor, kata tut, kata gima ochwe moro amora, ok nyal pogowa gihera mar Nyasaye mane ei Kristo Yesu Ruodhwa.

Jo-Galatia 4:26

To Jerusalem moger malo ni thuolo kendo en e minwa,