Wer Mamit 1:4 - Motingʼo Loko Manyien

⁴ Kawa idhi koda, waret piyo waa kae! Ruoth mondo odhi koda nyaka ei ode maiye. Wail kendo chunywa mor kodi; wabiro pako herani moloyo divai. Gitimo gima kare ka gipuoyi!

MUMA MALER 2015

⁴ Kawa mondo waring wadhi mondo iketa e odi, yaye ruodha. Wabiro bedo mamor kaachiel, kendo wabiro madho hera mana ka divai. Adier, mano kaka heri en gima ber!

Wer Mamit 1:4 ပူးပေါင်းရင်းမြစ်များ

Zaburi 111:4

Omiyo waparo kuom honni mage; nikech Jehova Nyasaye ngʼwon kendo okecho ji.

Zaburi 119:32

Yor chikeni ema aringe, nimar isegonyo chunya.

Zaburi 119:60

Abiro reto kendo ok abi deko mar rito chikeni.

Zaburi 149:2

Jo-Israel mondo obed mamor gi jachwechgi; ee, jo-Sayun mondo obed mamor gi Ruodhgi.

Zaburi 42:4

Aparo gigi duto ka chunya opongʼ giywak: aparo kaka ne adhi gi oganda maduongʼ ka atelo ni ji madhi e od Nyasaye, Ka akok gimor kendo agoyo erokamano E dier oganda maduongʼ matimo nyasi gi mor.

Zaburi 48:9

Ei hekalu mari, yaye Nyasaye, ema wabetie ka waparo kuom herani ma ok rem.

Zaburi 63:5

Chunya biro romo mana ka ngʼama oromo gi chiemo mabeyo mogik; abiro yawo dwonda ka apaki gi wer.

Wer Mamit 3:4

Gikanyono, kane pok asudo mabor kodgi, ne ayudo ngʼat ma chunya ohero. Ne amake matek, kendo ne adagi weye thuolo mondo odhi mine akele nyaka e od minwa, kama ne onywolae.

Wer Mamit 4:10

Mano kaka herani miya mor, yaye osiepna, ma ahero; mano kaka herani kelo mor mangʼeny moloyo divai, kendo ngʼwe ngʼar moloyo modhi mamoko duto!

Isaya 25:8

kendo enotiek tho chuth. Jehova Nyasaye Manyalo Gik Moko Duto biro yweyo pi wangʼ ji duto; mi nogol ajara kuom joge e piny duto. Jehova Nyasaye ema osewacho.

Isaya 45:25

To kuom Jehova Nyasaye, nyikwa Israel duto noyudi ka joma nikare kendo man-gi duongʼ.

Isaya 61:3

abiro konyo jogo man-gi lit Sayun, kendo gik mabiro miyogi e magi: ketonegi maua mabeyo kar buru magi bukorego, kendo mor kar lit ma gin-go, kendo chiwo lewni mag pak kar chuny mool. Enoluong-gi ni yiend ober mag tim makare, mopidh gi Jehova Nyasaye, konyiso godo duongʼne.

Isaya 63:7

Abiro wuoyo kuom ngʼwono mar Jehova Nyasaye, kuom timbene madongo mowinjore gi pak, kaluwore gi gik moko duto ma Jehova Nyasaye osetimonwa. Ee, gik mangʼeny duto mosetimo ne oganda Israel, kaluwore gi kech mare kod timbene mag ngʼwono duto.

Jeremia 31:3

Jehova Nyasaye nofwenyorenwa chon, kawacho niya: “Aseherou gihera manyaka chiengʼ; aseomou gihera mar ngʼwono.

Hosea 11:4

Ne atelonegi gi ngʼwono mathoth kaachiel gihera ma ok rum; ne agolo jok mapek e ngʼutgi kendo akulora piny mondo apidhgi.

Zefania 3:14

Wer, yaye nyar Sayun, go koko matek, yaye Israel! Bed mamor kendo moil gi chunyi duto, yaye nyar Jerusalem!

Zekaria 9:9

Bed gi ilo maduongʼ, yaye nyar Sayun! Kog matek, yaye Nyar Jerusalem! Ne, Ruodhi biro iri gi tim makare, kolocho, kobolore, kendo koidho kanyna, kanyna matin, adier en mana nyathi punda.

Mathayo 25:10

“To kane oyudo gin e yo gidhi ngʼiewo mafuta, wuon kisera nochopo. Nyiri mane oikore nodonjo kode e nyasi mar arus; kendo nolor dhoot.

Luka 2:10

To malaika nowachonegi niya, “Kik uluor. Akelonu wach maber mar mor maduongʼ mabiro bedo ni ji duto.

Luka 22:19

Kendo nokawo makati kendo bangʼ goyo erokamano nongʼinge momiyogi kowacho niya, “Ma e ringra mochiw nikech un, timuru ma ka uparago.”

Johana 12:32

To an, bangʼ kosetingʼa malo mogola e pinyni, to anaywa ji duto ira.”

Johana 6:44

Onge ngʼama nyalo biro ira ka ok Wuora mane oora ema okele, kendo anachiere chiengʼ giko piny.

Jo-Efeso 2:6

Kendo Nyasaye nochierowa gi Kristo, momiyo wabet kode e duongʼ mar polo ei Kristo Yesu,

Jo-Efeso 6:24

Ngʼwono obed kod jogo duto mohero Ruoth Yesu Kristo gihera ma ok rum.

Jo-Filipi 3:3

Nikech wan wawegi ema waseyudo nyangu madiera, nikech walemo ka wan ei Roho mar Nyasaye, sungawa ni kuom Kristo Yesu, kendo ok waketo genowa kuom ringruok,

Jo-Filipi 4:4

Beduru mamor pile kuom Ruoth, kendo amedo jiwou ni beduru mamor!

Jo-Hibrania 12:1

Emomiyo ka koro oganda maduongʼ mar joneno opie molworowa ka bor polo kama, to wan bende wawituru gimoro amora ma watingʼo manyalo duodowa e wuoth, kaachiel gi richo mora amora manyalo duodowa e ngimawa, koro waringuru matek ma ok waol e ngʼwech moseketwae.

1 Petro 1:8

Kata obedo ni pok unene to pod uhere ahera kendo kata obedo ni ok unene kata sani to pod uyie ayiea kuome kendo upongʼ gi mor maduongʼ.