Tito 1:14 - Motingʼo Loko Manyien

¹⁴ kendo mondo kik gichik itgi ni sigendini mag jo-Yahudi kata ni chike mag joma odagi adiera.

MUMA MALER 2015

¹⁴ ma ok gidewo sigend jo-Yahudi, gi chik mag ji modagi adiera.

Tito 1:14 ပူးပေါင်းရင်းမြစ်များ

Isaya 29:13

Ruoth Nyasaye wacho niya: Jogi sudo ira mana gi weche manie dhogi kendo gipaka mana gi dhogi kende, to chunygi bor koda. Yo ma gilamago gin mana chike mipuonjo gi dhano.

Mathayo 15:9

Gilama kayiem nono; to gik ma gipuonjo gin mana chike mag dhano.’ ”

Mariko 7:7

Gilama kayiem nono, to gik ma gipuonjo gin mana chike mag dhano.’

Jo-Galatia 4:9

To ka koro usengʼeyo Nyasaye, kata kawacho e yo machielo maber moloyo ka koro Nyasaye osengʼeyou, to ere kaka uchako udok e timbe machon mag piny, mayom yom kendo maonge teko? Udwaro ni timbegi ochak oketu wasumbini kendo?

Jo-Kolosai 2:22

Giduto gin gik malal nono, nikech gin mana chike gi puonj mag dhano.

2 Timotheo 4:4

Ginitamre winjo adiera ka gichiko itgi ni sigendini manono.

Tito 3:11

Bed kingʼeyo gadiera ni ngʼama kamano en Jaricho ma pache okethore kendo en ngʼama ketho kongʼeyo.

Jo-Hibrania 12:25

Neuru ni ok utamoru winjo dwond Jal ma wuoyo kodu. Nikech ka gin bende ne ok gitony kane gidagi winjo dwond Musa mane osiemogi e piny-ka, wan to koro dwatony nade ka wadagi winjo Jal masiemowa gie polo?

2 Petro 2:22

Gima osetimorenigi chopo adiera mar ngero mawacho niya, “Guok dok e ngʼokne mosengʼogo” kendo niya, “Anguro moseluoki odok ngʼielore e chwodho.”