Tito 1:13 - Motingʼo Loko Manyien

¹³ Wach janabigino en adier. Omiyo kwergi matek mondo eka gibed gi yie mar adier,

MUMA MALER 2015

¹³ Gima nowacho en adier! Emomiyo siemgi matek mondo gibed gi yie motegno,

Tito 1:13 ပူးပေါင်းရင်းမြစ်များ

Zaburi 119:80

Mad chunya bed maonge ketho, kuom rito chikeni, mondo kik ane wichkuot.

Zaburi 141:5

Onego ngʼat makare ema ogoya, nikech mano chalo tim ngʼwono motimona; onego en ema okwera, nikech mano chalo mo mool e wiya; ok anyal dagi mondo ngʼama kare otimna kamano. To kata kamano obiro kwedo timbe joma richo e lemona;

Ngeche 27:5

Kwero ngʼato ratiro ber moloyo hera mopandi.

Tim jo-Lawi 19:17

“ ‘Kik ibwon owadu gi chunyi. Nyis wadu kethone e wangʼe, mondo kik iriwri kode e richone.

2 Jo-Korintho 13:10

Ma e gima omiyo andikonu gigi ka aonge kodu, mondo ka achopo iru to kik abed makwiny kodu nikech teko ma Ruoth omiya en mar gerou to ok mar tiekou.

1 Timotheo 1:10

gi jochode, kod chwo ma terore gi chwo wetegi gi joma timo ohand wasumbini gi jo-miriambo, kod joma kwongʼore kariambo chutho mondo gigweny adiera. Adier chik oket ne gimoro amora makedo gi puonj mar adier.

1 Timotheo 4:6

Ka ipuonjo Jowete wechegi to ibiro bedo jatich maber mar Kristo Yesu, ka idongori e adiera mar yie gi puonj mabeyo miseluwo.

1 Timotheo 5:20

Joma osiko timo richo nyaka kwer ratiro e nyim ji eka joma moko obed maluor.

2 Timotheo 4:2

Yal Wach kendo ikri mar timo mano kinde duto, kata ka piny rach kata ka piny ber, kirieyo ji, kikwero ji, kendo kijiwo ji gi kinda duto, kendo kipuonjo ji tiend wechegi adimba.

Tito 2:15

Koro magi e gik monego ipuonji. Jiw ji kendo ikwergi gi teko duto. Kik iwene ngʼato thuolo mondo ochayi.

Tito 2:2

Puonj jodongo mondo obed joma obidhore, ma ok ohero oyuma, kendo moritore, bende man-gi yie mar adier gihera kod kinda.