Tim jo-Lawi 5:2 - Motingʼo Loko Manyien

² “ ‘Kata ka ngʼato omulo gimoro makwero, bed ni en le mar bungu motho kata gik mamol motho, ka ok ongʼeyo, mi ofwenye achien, to enodok jaketho.

MUMA MALER 2015

² Ka ng’ato omulo gimoro makuero, kaka le makuero motho, bed ni en le maoko kata mopidhi, kata gima mol motho,

Tim jo-Lawi 5:2 ပူးပေါင်းရင်းမြစ်များ

Zaburi 19:12

En ngʼa manyalo ngʼeyo kethone mopondo? Wena kethoga mopondo.

Isaya 52:11

Wuoguru, wuoguru, auru kanyo! Kik umul gima ochido! Wuoguru kuome mondo ubed maler, un mutingʼo gik ler mar Jehova Nyasaye.

Tim jo-Lawi 11:11

Nikech gin gik makwero, kik ucham ring-gi bende kik umul motho kendgi.

Tim jo-Lawi 11:8

Kik ucham ring-gi kata kik umul ringregi motho. Gin gik makwero ne un.

Tim jo-Lawi 4:13

“ ‘Ka oganda mar jo-Israel duto otimo richo ka ok gingʼeyo maponi gitimo gimoro ma chik Jehova Nyasaye okwero, kata obedo ni gikia, to gin joricho.

Tim jo-Lawi 5:17

“Ka ngʼata otimo richo kendo otimo gima okwer e chik moro amora mar Jehova Nyasaye, kata obedo ni ok ongʼeye, to en richo kendo en okwane jaketho.

Tim jo-Lawi 5:3

Kata ka orere kuom gimoro makwero moa kuom dhano ka ok ongʼeyo, mi ofwenyo achien, to enodok jaketho.

Tim jo-Lawi 5:4

Ka ngʼato ohedhore ma okwongʼore mar timo gimoro, maber kata marach ka ok ongʼeyo, (e wach moro ma ngʼato thoro hedhore ka kwongʼore) mi bangʼe achien ofwenyo, to enodok jaketho.

Tim jo-Lawi 7:21

Ngʼato angʼata momulo gimoro mogak, bedni en dhano kata le, kata gimoro amora makwero, eka bangʼe ochamo ring misango mar lalruok mochiw ni Jehova Nyasaye, en bende nyaka ngʼad kare oko kuom ogandagi.’ ”

Hagai 2:13

Eka Hagai nowacho niya, “Ka ngʼato omulo ringre ngʼat motho, makoro obedo mogak, eka bangʼe ngʼatni ogere kuom gimoro, koro gino bende bedo mogak?” Jodolo nodwoke niya, “Obedo mogak.”

Kwan 19:22

Gimoro amora ma ngʼat mochido omulo nobed mochido, kendo ngʼato angʼata momule nobed mochido nyaka chop odhiambo.”

Luka 11:44

“Unune malit nikech uchalo gi liete moumore ma ji wuotho kuomgi ka ok gingʼeyo.”

2 Jo-Korintho 6:17

Emomiyo, “Auru kuomgi kendo pogreuru kodgi, Jehova Nyasaye ema owacho. Kik umul gima ochido, eka anarwaku.”

Rapar mar Chik 14:8

Anguro bende en gima ogak kata obedo ni tiendene opogore kamano, ok onyam kambula. Kik ucham ring-gi kata kik umul ringregi motho.