Tich Joote 9:43 - Motingʼo Loko Manyien

⁴³ Petro nomedo dak Jopa e od janyongʼ piende moro miluongo ni Simon kuom kinde mogwarore.

MUMA MALER 2015

⁴³ Petro nomedo bet Jopa kuom ndalo mang’eny, kodak gi ng’at moro ma janyong’ piende ma nyinge Simon.

Tich Joote 9:43 ပူးပေါင်းရင်းမြစ်များ

2 Weche mag Ndalo 2:16

Wanatongʼ yiend Lebanon moromo kaka idwaro kendo nwatwegi kanyakla ma wakwangʼ-gi e nam nyaka Jopa, eka iniomgi mitergi Jerusalem.”

Ezra 3:7

Eka negichiwo pesa ne jogedo kod funde bao, kendo gichiwo chiemo gi math gi mo ne jo-Sidon gi jo-Turo, mondo omi gikel sirni mag sida koluwo nam koa Lebanon nyaka Jopa, kaluwore gi thuolo mane ochiw gi Sairas ruodh Pasia.

Jona 1:3

To Jona noringo oa e nyim Jehova Nyasaye kochomo Tarshish. Ne olor modhi Jopa, kumane oyudoe yie mane dhi e dho wadhno. Bangʼ chulo nengo wuoth noidho mokwangʼ kodhiyo Tarshish mondo oring oa e nyim Jehova Nyasaye.

Tich Joote 10:32

Koro or jomoko Jopa mondo oomni Simon miluongo ni Petro. En wendo e od Simon ma janyongʼ piende, modak e dho nam.’

Tich Joote 10:5

Koro or jomoko Jopa mondo odhi oom ngʼat moro ma nyinge Simon, miluongo ni Petro.

Tich Joote 10:6

En wendo Simon ma janyongʼ piende ma ode ni e dho nam.”

Tich Joote 10:8

Nonyisogi gik moko duto mane osetimore, eka noorogi nyaka Jopa.

Tich Joote 11:13

Nonyisowa kaka ne oseneno malaika kofwenyore e ode mowachone ni, ‘Or jomoko Jopa mondo oluongni Simon miluongo ni Petro.

Tich Joote 11:15

“To e sa ma ne achako wuoyo, ema Roho Maler nolor kuomgi, mana kaka wan bende noselor kuomwa mokwongo.

Tich Joote 9:38

Lida ne chiegni gi Jopa, omiyo ka jopuonjre nowinjo ni Petro ni kuno, ne giorone ji ariyo, ka gikwaye niya, “Yie ibi irwa piyo ma ok odeko!”

Tich Joote 9:42

Wachni nolandore e Jopa duto, mi ji mangʼeny noyie kuom Ruoth.

Joshua 19:46

Me Jarkon kod Rakon, to gi kama omanyore gi Jopa.