Tich Joote 9:42 - Motingʼo Loko Manyien

⁴² Wachni nolandore e Jopa duto, mi ji mangʼeny noyie kuom Ruoth.

MUMA MALER 2015

⁴² Wach gima notimoreno nolandore e Jopa duto, mi ji mathoth noyie kuom Ruoth.

Tich Joote 9:42 ပူးပေါင်းရင်းမြစ်များ

2 Weche mag Ndalo 2:16

Wanatongʼ yiend Lebanon moromo kaka idwaro kendo nwatwegi kanyakla ma wakwangʼ-gi e nam nyaka Jopa, eka iniomgi mitergi Jerusalem.”

Jona 1:3

To Jona noringo oa e nyim Jehova Nyasaye kochomo Tarshish. Ne olor modhi Jopa, kumane oyudoe yie mane dhi e dho wadhno. Bangʼ chulo nengo wuoth noidho mokwangʼ kodhiyo Tarshish mondo oring oa e nyim Jehova Nyasaye.

Johana 11:4

Kane Yesu owinjo mano, nowacho niya, “Tuono ok en mar tho, to mano otimore mana ni mondo Nyasaye oyud duongʼ, kendo mondo Wuod Nyasaye oyud duongʼ kuome.”

Johana 11:45

Kuom mano, jo-Yahudi mangʼeny mane obiro hoyo chuny Maria, kendo ma noneno gima Yesu notimo, noyie kuome.

Johana 12:11

nimar wachne nomiyo jo-Yahudi mangʼeny koro ne weyogi dhi ir Yesu kendo giyie kuome.

Johana 12:44

Eka Yesu nokok matek kawacho niya, “Ka ngʼato oyie kuoma, to an ok ema oyie kuoma kenda, to oyie kuom Jal mane oora bende.

Tich Joote 10:5

Koro or jomoko Jopa mondo odhi oom ngʼat moro ma nyinge Simon, miluongo ni Petro.

Tich Joote 10:8

Nonyisogi gik moko duto mane osetimore, eka noorogi nyaka Jopa.

Tich Joote 11:13

Nonyisowa kaka ne oseneno malaika kofwenyore e ode mowachone ni, ‘Or jomoko Jopa mondo oluongni Simon miluongo ni Petro.

Tich Joote 11:21

Teko Nyasaye ne ni kodgi, omiyo ji mathoth noyie kendo olokore kuom Ruoth.

Tich Joote 11:5

“Ne antiere e dala mar Jopa ka alemo, to ka ayula wangʼ notera, ne aneno fweny. Ne aneno gima chalo suka malach kiloro piny koa e polo, komak kondene angʼwen. Nolor sukano nyaka kama ne antie.

Tich Joote 9:35

Ji duto mane odak Lida gi Sharon nonene moyie kuom Ruoth.

Tich Joote 9:36

E dala mar Jopa ne nitie japuonjre moro miluongo ni Tabitha (ma dho jo-Yunani luongo bi Dorka tiende ni Nyakech) mane osiko katimo maber ni ji kendo nokonyo joma odhier.

Tich Joote 9:38

Lida ne chiegni gi Jopa, omiyo ka jopuonjre nowinjo ni Petro ni kuno, ne giorone ji ariyo, ka gikwaye niya, “Yie ibi irwa piyo ma ok odeko!”

Tich Joote 9:43

Petro nomedo dak Jopa e od janyongʼ piende moro miluongo ni Simon kuom kinde mogwarore.

Joshua 19:46

Me Jarkon kod Rakon, to gi kama omanyore gi Jopa.