Tich Joote 9:33 - Motingʼo Loko Manyien

³³ Kuno nonwangʼoe ngʼat moro miluongo ni Ainea, mane osebedo kosiko onindo e kitandane kuom higni aboro, ka tuo mar athany onure.

MUMA MALER 2015

³³ Nonwang’o ng’at moro kuno ma nyinge Ainea, mane osebedo jaathany kuom higni aboro, kanindo mana e pien.

Tich Joote 9:33 ပူးပေါင်းရင်းမြစ်များ

Mathayo 4:24

Humbe nolandore e piny Siria duto, kendo ji nokelone joma ne tuo gi kit tuoche mayoreyore gi joma ne nigi rem mapek gi joma ne nigi jochiende gi joma ne chunygi yudhore kod joma ne nigi athany, mi nochangogi.

Mariko 5:25

To dhako moro ne ni kanyo mane osebedo ka iye chwer kuom higni apar gariyo.

Mariko 9:21

Yesu nopenjo wuon rawerano niya, “Osebedo kochal kama kinde maromo nade?” To en nodwoke niya, “Osebedo kamano nyaka oa e tin-ne.

Luka 13:16

Koro dhakoni, ma nyakwar Ibrahim, ma Satan oseketo kotweyo higni apar gaborogi duto kama donge ber kogonye obed thuolo chiengʼ Sabato oa e gima notweye?”

Johana 5:5

To ne nitie ngʼato kanyo mane osebedo gi midekre kuom higni piero adek gaboro.

Johana 9:1

Kane oyudo owuotho odhi, noneno ngʼat moro mane osebedo muofu nyaka aa nywolne.

Johana 9:21

To kaka koro onyalo neno sani, kata ngʼama noyawo wengene, to wakia. Penjeuru, tinde oduongʼ. Obiro wacho wach kuome owuon.”

Tich Joote 14:8

E dala mar Lustra, ne nitiere ngʼat moro ma tiendeni ongʼol. Ngʼatni nongʼol nyaka aa nywolne kendo ne pok owuotho nyaka nene.

Tich Joote 3:2

To e sechego noyudo otingʼ ngʼat moro maputh kitero e ranga hekalu miluongo ni Malongʼo, kama ne ojaketee pile pile, mondo okwa kony kuom joma donjo ei hekalu.

Tich Joote 4:22

kendo ngʼat mane ochangi e yor honono ne hike oloyo piero angʼwen.

Tich Joote 9:32

Kane Petro wuotho ei piny koni gi koni, nodhi limo jomaler mane odak Lida.

Tich Joote 9:34

Petro nowachone niya, “Ainea, Yesu Kristo osechangi; aa malo iban pieni.” Ainea noa malo mana gisano.