Tich Joote 28:6 - Motingʼo Loko Manyien

⁶ Jogo ne geno ni lwete biro kuot, kata ni nobiro gore piny apoya mi otho, to negirito gamingʼa mi ok gineno gima otime. Eka negiloko pachgi mi giwacho ni Paulo en nyasaye.

MUMA MALER 2015

⁶ Ne gigalo ni dende dikuodi, kata ni dogore piny otho. To kane giserito aming’a, mi ok gineno gimoro marach katimorene, ne giloko parogi, mi giwacho niya, “Nyaka bed ni en nyasaye moro!”

Tich Joote 28:6 ပူးပေါင်းရင်းမြစ်များ

Mathayo 21:9

Oganda mane otelo nyime kod mago mane odongʼ chien nekok ni, “Hosana ne Wuod Daudi!” “Ogwedh ngʼat mabiro e nying Jehova Nyasaye!” “Hosana manie polo malo!”

Mathayo 27:22

Pilato nopenjogi niya, “To koro atim angʼo gi Yesu miluongo ni Kristo?” Negidwoke riat niya, “Gure!”

Tich Joote 12:22

To jogo nogoyo koko kawacho niya, “Mano dwond Nyasaye, ok en dwond dhano!”

Tich Joote 28:7

But kama newantiereno ne nitie puothe madongo mag ruodh chulano miluongo ni Publio. Ruodhno norwakowa, moritowa maber kaka wende kuom ndalo adek.

Tich Joote 8:10

kendo jo-Samaria duto, jomatindo gi jomadongo, noyie kode. Negiluwo bangʼe ka gikok niya, “Ngʼatni nigi teko Nyasaye miluongo ni Teko Maduongʼ.”