Tich Joote 27:34 - Motingʼo Loko Manyien

³⁴ Koro yieuru koda mondo uchamie gimoro matin mondo ubed mangima. Awachonu ni onge ngʼato kata achiel kuomu mabiro wito kata mana yie wiye achiel.”

MUMA MALER 2015

³⁴ Omiyo koro akwayou ni mondo uchiem, uyud teko, nikech kata mana yie wiu achiel ok nolal.”

Tich Joote 27:34 ပူးပေါင်းရင်းမြစ်များ

1 Ruodhi 1:52

Solomon to nodwoko niya, “Ka timbene onyisore ni en ngʼat makare kata mana yie wiye ok enolwar e lowo; to ka richo oyudi kuome to enotho.”

Mathayo 10:30

Bende, kata mana yie wiu duto osekwan mongʼe kar rombgi.

Mathayo 15:32

Yesu noluongo jopuonjrene ire mowachonegi niya, “Akecho jogi nikech koro gisebedo koda kae kuom ndalo adek to gionge gi gima digicham. Ok adwar mondo gidhi ka gidenyo, nono to kech nyalo goyogi piny e yo.”

Luka 12:7

Chutho, kata mana yie wiu duto osekwan mongʼe kar rombgi. Kik uluor, nikech uloyo oyundi nyadi mangʼeny.

Luka 21:18

To kata mana yie wiu achiel onge manolal.

Tich Joote 27:33

Kane piny chiegni yawore, Paulo nosayo jokwangʼ duto mondo ochiem, kowachonegi niya, “Kuom ndalo apar gangʼwen mosekadho, usebedo ka unie chandruok ma ok nunyal chiemo.

Jo-Filipi 2:5

Paro manie chunyu nyaka bed machal gi paro mane Kristo Yesu nigo.

1 Timotheo 5:23

Ok onego imodh pi kende, to madh divai matin mondo okonyni iyi nikech midekre ma in-go pile.

1 Samuel 14:45

To ji nowachone Saulo niya, “Bende Jonathan ditho to en ema osekelo konyruok maduongʼ kama e Israel? Ok nyalre! Akwongʼora gi nying Jehova Nyasaye mangima ni kata yie wiye achiel ok nolwar piny nikech Jehova Nyasaye ema okonye timo ma.” Kamano ji noreso Jonathan kendo ne ok onege.