Tich Joote 27:25 - Motingʼo Loko Manyien

²⁵ Kuom mano, beduru gi chir, jowadwa, nikech ayie ni Nyasaye biro timo mana kaka nonyisa.

MUMA MALER 2015

²⁵ Kuom mano owetena, beduru gi chir, nikech ang’eyo ni Nyasaye biro timo mana kaka osewachona.

Tich Joote 27:25 ပူးပေါင်းရင်းမြစ်များ

2 Weche mag Ndalo 20:20

Gokinyi mangʼich negiwuok gidhi e piny Tekoa motwo. Kane giwuok Jehoshafat nochungʼ kawacho niya, “Chikuru itu un jo-Juda kod joma odak Jerusalem! Beduru kod geno kuom Jehova Nyasaye ma Nyasachu eka unukuwo, bende yieuru gi jonabi mage eka unulo.”

Kwan 23:19

Nyasaye ok en dhano, mondo omi oriambi, kata ok en wuod dhano, mondo omi olok pache. Bende onyalo wuoyo to ok otim kaka owacho? Bende onyalo chiwo singo, to ok ochop singruokno?

Luka 1:45

Ogwedhi in dhako moseyie ni gima Ruoth osewachone biro timore.”

Tich Joote 27:11

To jatend jolweny ne ok odewo chik kata winjo gima Paulo ne owacho, makmana nowinjo mana wach wuon yie kod jatend yie.

Tich Joote 27:36

Jogo chunygi noduogo, mi ngʼato ka ngʼato kuomgi nokawo chiemo mondo ocham.

2 Timotheo 1:12

Mano emomiyo asandora kama. To wiya ok kuodi, nikech angʼeyo Jal ma aseyie kuome, kendo angʼeyo chutho ni onyalo rito ngimana gi chunya ma asechiwone nyaka ndalo nogono.