Tich Joote 25:10 - Motingʼo Loko Manyien

¹⁰ Paulo nodwoke niya, “Sani achungʼ iyala gi Buch Kaisar, kendo ka ema owinjore ongʼadnae bura. Onge gima rach ma asetimo ne jo-Yahudi, kata in bende ingʼeyo wachno maber.

MUMA MALER 2015

¹⁰ Paulo to nodwoke ni, “Achung’ e nyim kom ng’ado bura mar Kaisar, omiyo kaeri ema owinjore ng’adnae bura. Onge gima rach ma asetimo ni jo-Yahudi, kaka ing’eyo maber chuth!

Tich Joote 25:10 ပူးပေါင်းရင်းမြစ်များ

Mathayo 27:18

Nimar nongʼeyo ni ich lit ema nomiyo giketo Yesu e lwete.

Mathayo 27:19

Kane oyudo Pilato obet e kom jongʼad bura, chiege nokowone wach niya, “Walri iaye wach ngʼat maonge kethono, nimar wachne nochanda ahinya kawuono e lek mane aleko kuome.”

Tich Joote 23:29

Ne ayudo ni ne odonjne kaluwore gi weche moko mag chikegi, to ne ayudo ni onge ketho moro mosetimo manyalo miyo ngʼadne buch tho kata buch twech.

Tich Joote 25:17

Kane gibiro ka, to ne aluongo bura ma ok odeko, kendo agolo Chik mondo kel ngʼatno e nyima.

Tich Joote 25:25

An to ne ayudo kaonge gima osetimo mowinjore githo, to nikech odwaro mondo Kaisar ema oyale, asengʼado mondo otere Rumi.

Tich Joote 25:6

Bangʼ kane osebet kodgi kuom ndalo aboro kata apar, nolor odhi Kaisaria, eka kinyne nochoko bura mogolo chik mondo okel Paulo e nyime.

Tich Joote 26:31

Negia e odno, kendo sa mane gidhi negiwuoyo kendgi kagiwacho niya, “Onge gima ngʼatni timo marach mowinjore gi tho kata tere e od twech.”

Tich Joote 28:18

To Bangʼ yala, negidwaro weya, nikech negiyudo ni aonge gi ketho mowinjore gi tho.

2 Jo-Korintho 4:2

Wasekwedo timbe malingʼ-lingʼ mag miriambo makwodo wich, ok wakonyre gi wuond, bende ok wagaj wach Nyasaye, to wawuotho e ler mar adiera kendo wachiwore ni ji duto, mondo chunygi orwakwa e nyim Nyasaye.