Tich Joote 19:4 - Motingʼo Loko Manyien

⁴ Paulo nowachonegi niya, “Batiso mar Johana ne en mar lokruok weyo richo. Nonyiso ji mondo oyie kuom Jal mane biro bangʼe, ma en Yesu.”

MUMA MALER 2015

⁴ To Paulo nowachonigi niya, “Johana nobatiso ji gi batiso manyiso ni giselokore giweyo richogi. Bende nopuonjogi ni mondo giyie kuom Jal mabiro luwo bang’e, tiende ni Yesu.”

Tich Joote 19:4 ပူးပေါင်းရင်းမြစ်များ

Johana 1:15

Johana notimo neno kuome. Nokok matek kowacho niya, “Ma e Jal mane awuoyo kuome kane awachonu ni, ‘Jal mabiro bangʼa oloya mabor nikech ne entie kapok ne abetie.’ ”

Johana 1:26

Johana nodwokogi niya, “An abatisou gi pi, to nitie ngʼato e dieru ma ukia.

Johana 1:27

En Jal mabiro bangʼa, ma ok awinjora gonyo tond wuochene.”

Johana 1:7

Nobiro kaka janeno mondo otim nend lerno, mondo kanyalore to ji duto oyie kuom lerno.

Tich Joote 1:5

nimar Johana nobatiso ji gi pi, to un bangʼ kinde manok ibiro batisou gi Roho Maler.”

Tich Joote 11:16

Eka naparo kaka Ruoth nosewacho motelo ni, ‘Johana nobatiso ji gi pi, to un ibiro batisou gi Roho Maler.’