Tich Joote 12:2 - Motingʼo Loko Manyien

² Ne ogolo chik mi oneg Jakobo owad gi Johana gi ligangla.

MUMA MALER 2015

² Ne ogolo chik mi oneg Jakobo ma owadgi Johana gi ligangla.

Tich Joote 12:2 ပူးပေါင်းရင်းမြစ်များ

1 Ruodhi 19:1

Koro Ahab nonyiso Jezebel mago duto mane Elija nosetimo kendo kaka nosenego jonabi gi ligangla,

1 Ruodhi 19:10

Nodwoko niya, “Asebedo katiyo matek ni Jehova Nyasaye Maratego. Jo-Israel osekwedo singruokni, gisemuko kende mag misengini kendo nego jonabigi gi ligangla. An kenda ema adongʼ kendo koro gidwaro nega.”

Jeremia 26:23

Negigolo Uria Misri kendo gitere ne Ruoth Jehoyakim, mane omiyo onege gi ligangla kendo dende owiti e kar yiko mar ji ajiya.)

Mathayo 20:23

Yesu nowachonegi niya, “Kikombena to en adier ni ubiro methoe, to bedo e bada ma korachwich kata ma koracham ok an ema achiw. Kuondego gin mag joma Wuora ochano negi chon.”

Mariko 10:35

Bangʼe Jakobo gi Johana, mane gin yawuot Zebedi, nobiro ire mowachone niya, “Japuonj, wadwaro mondo itimnwa gimoro amora mwakwayi.”

Mariko 10:38

Yesu nowachonegi niya, “Ok ungʼeyo gima ukwayo. Bende unyalo madho kikombe ma amadho kata yudo batiso machal gi mitisago?”

Mariko 10:39

Negidwoke niya, “Wanyalo.” Yesu nowachonegi niya, “En adier ni ubiro metho e kikombe ma amethoe mi obatisu gi batiso mitisago,

Tich Joote 12:1

E kindeno ruoth Herode nomako jo-Kristo moko, kendo nochano mar negogi.

Jo-Hibrania 11:37

Nogogi gi kite, nongʼadgi malit bende moko nonegi gi ligangla. Ne giwuotho ka gi kacha, ka girwako piende rombe gi piende diek, kagidhier kisandogi kendo kichandogi malit;