Tich Joote 10:27 - Motingʼo Loko Manyien

²⁷ Petro nowuotho kochomo ot kod Kornelio, ka giwuoyo, to kane ochopo ei ot, nonwangʼo ka ji mangʼeny ochokore rite.

MUMA MALER 2015

²⁷ Eka nodonjo e ot kowuoyo kode, kendo noyudo ji mathoth kochokore kanyo.

Tich Joote 10:27 ပူးပေါင်းရင်းမြစ်များ

Luka 24:14

Negiwuoyo kendgi kuom gik moko duto mosetimore.

Johana 4:35

Donge uwacho ni, ‘Odongʼ dweche angʼwen to ndalo keyo chopo’? Awachonu ni utingʼ wengeu malo urang puothe! Gisechiek giromo keyo.

Tich Joote 10:24

Odiechiengʼ moluwo mano negichopo Kaisaria, kuma Kornelio ne jorite kaachiel gi wedene kod osiepene mane oluongo.

Tich Joote 14:27

Kane gichopo kuno, negichoko kanisa kaachiel mi ginyisogi gik moko duto ma Nyasaye nosetimo ka otiyo kodgi, kendo kaka noseyawo dhoot mar yie mondo joma ok jo-Yahudi oyud warruok.

1 Jo-Korintho 16:9

nikech dhoot oyaworena malach mar tiyo tich manyago olemo, to wasigu makedo koda bende ngʼeny.

2 Jo-Korintho 2:12

Kane abiro Troa mondo ayal Injili mar Kristo ne ayudo ka Ruoth noseyawona dhoot,

Jo-Kolosai 4:3

Wan bende lemnwauru mondo Nyasaye oyawnwa dhoot mar yalo Injili, kendo lando wach modhiero ji ngʼeyo mar Kristo momiyo koro otweya gi nyororo.