Ruth 4:14 - Motingʼo Loko Manyien

¹⁴ Mon nowachone Naomi niya, “Opak Jehova Nyasaye kawuononi nikech ok osejwangʼi, nimar osemiyi nyakwari. Mad obed ngʼat marahuma e piny Israel duto!

MUMA MALER 2015

¹⁴ Bang’e mon nowacho ni Naomi niya, “Opak Ruoth Nyasaye tinende, ma ok oweyi nono. Koro in gi nyakwari. Nying nyathi mondo obed gi huma maduong’ e Israel.

Ruth 4:14 ပူးပေါင်းရင်းမြစ်များ

Chakruok 12:2

“Anaketi oganda maduongʼ kendo anagwedhi; anami nyingi bed gi huma, kendo anami ibed gweth ne ji.

Chakruok 24:27

kowacho niya, “Duongʼ odogne Jehova Nyasaye, ma Nyasach ruodha Ibrahim, ma ok oseweyo nyiso adierane gi ngʼwonone ne ruodha. To an, Jehova Nyasaye osetelona e wuoth nyaka e od wede ruodha.”

Chakruok 29:35

Nochako omako ich, kendo kane ochako onywolo wuowi nowacho niya, “Koro abiro pako Jehova Nyasaye.” Omiyo nochake ni Juda. Bangʼ mano noweyo nywolo nyithindo.

Luka 1:58

Jogwengʼ kod wedene nowinjo ni Ruoth Nyasaye osetimone kech maduongʼ mi gibedo kode e morne.

Jo-Rumi 12:15

Moruru gi joma mor, kendo ywaguru gi joma ywak.

1 Jo-Korintho 12:26

Ka fuon achiel mar ringruok winjo lit, to fuonde ringruok mamoko duto winjo kode; ka fuon moro yudo pak, to mamoko duto bende bedo mamor kaachiel kode.

1 Jo-Thesalonika 5:18

gouru erokamano kata piny ber kata rach, nikech mano ema Nyasaye dwaro ni utim ei Kristo Yesu.

2 Jo-Thesalonika 1:3

Nyaka wadwokne Nyasaye erokamano kinde duto nikech un jowetewa kendo owinjore watim kamano nikech yie ma un-go medo bedo motegno, kendo hera muherorugo ngʼato gi ngʼato bende medore.