Obadia 1:8 - Motingʼo Loko Manyien

⁸ Jehova Nyasaye wacho niya, “Odiechiengʼno donge abiro tieko jorieko mag Edom, jogo man-gi winjo e gode mag Esau?

MUMA MALER 2015

⁸ Ruoth Nyasaye owacho niya, “Chieng’ ma nakum piny Edom, anatiek jogi mariek, mi onge rieko ma nodong’ e piny gode mag Esau.

Obadia 1:8 ပူးပေါင်းရင်းမြစ်များ

Zaburi 33:10

Jehova Nyasaye ketho chenro duto mag pinje; othiro dwaro ma ogendini nigo.

Isaya 19:11

Jotelo mag Zoan gin ji mofuwo, kendo jongʼad rieko mag Farao chiwo paro manono. Ere kaka iwacho ne Farao niya, “An achiel kuom jorieko, ma nopuonjore kuom ruodhi machon?”

Isaya 19:12

Koro ere jogi mariekgo? Koro ginyisiane mondo ingʼe gima Jehova Nyasaye Maratego chano timo ne Misri.

Isaya 19:3

Chuny jo-Misri nonyosre kendo anaketh gik moko duto ma gichano timo; ginidwar wach kuom nyiseche mopa kod lang chunje mane osetho, ajuoke kod nyakalondo.

Isaya 29:14

Kuom mano anachak abwog chuny jogi gi masira bangʼ masira, mi rieko mar jorieko nolal kendo ngʼeyo mar joma ongʼeyo norum.