Obadia 1:3 - Motingʼo Loko Manyien

³ Sunga manie chunyu osewuondou, un mudak e kind lwendni, kendo ugero miechu kuonde motingʼore, un ma uwacho kendu niya, ‘En ngʼa manyalo dwokowa piny?’

MUMA MALER 2015

³ Sunga ma un-go osewuondou! Udak e mbita mar lwanda motegno, kendo dalau ni ewi gode malo. Mano emomiyo uwacho kendu uwegi niya, ‘Ere ng’ama didwokwa piny?’

Obadia 1:3 ပူးပေါင်းရင်းမြစ်များ

Chakruok 36:8

Kuom mano Esau (ma tiende ni Edom) nodhi odak e piny gode man Seir.

2 Ruodhi 14:7

Amazia ema ne oloyo jolweny jo-Edom alufu apar e holo mar Chumbi kendo nomako Sela e lweny, moloko nyinge ni Jokthel, kendo pod iluonge kamano nyaka chil kawuono.

2 Weche mag Ndalo 25:11

To Amazia notimo chir kendo nowuok motelone jolweny mage kagidhi e Holo mar Chumbi kama nonege jo-Seir alufu apar.

2 Weche mag Ndalo 25:12

Jolweny mag Juda nomako ji alufu apar kangima mi negiterogi ewi lwanda moro kendo negidirogi piny ma githo kendo gitur matindo tindo.

Ayub 20:6

Kata bed ni sungane chopo nyaka e polo kendo wiye mulo boche polo,

Ngeche 16:18

Sunga kelo masira, chuny mar ngʼayi kelo chwanyruok.

Ngeche 18:12

Kapok ngʼato opodho, to sunga bedo e chunye, to muolo kelo pak.

Ngeche 29:23

Sunga ngʼato ema miyo opodho, to ngʼat ma chunye muol yudo pak.

Isaya 16:6

Wasewinjo sunga mar Moab, kaka otingʼore malo gi wuondruok, kopongʼ gi sunga kod achaya, to dhialruokneno en kayiem nono.

Jeremia 21:13

Ok adwari, in Jerusalem, un jogo modak ewi holoni, e got mar mesa motimo lwanda, Jehova Nyasaye owacho; un ma uwacho niya, “En ngʼa manyalo kwedowa? En ngʼa manyalo donjo kar pondowa?”

Jeremia 37:9

“Ma e gima Jehova Nyasaye wacho: Kik uwuondru uwegi, kuparo ni, ‘Jo-Babulon gadiera biro weyowa.’ Ok giniweu ngangʼ!

Jeremia 48:28

Jwangʼuru miechu kendo udagi e kind lwendni, un joma odak Moab. Chaluru ka akuch odugla maloso ode e dho rogo.

Jeremia 49:16

Luoro musemiyo ji kod sunga manie chunyu osewuondou, un jogo modak e kind lwendni, modak kuonde motingʼore gi malo mar got. Kata obedo ni ugero uteu mabor ka od otenga, koa kuno abiro dwokou piny,” Jehova Nyasaye owacho.

Jeremia 49:4

Angʼo momiyo usungoru kuom holo mau, sungruok kuom holo mau manyak? Yaye nyako ma ok ja-ratiro, igeno kuom mwandu magi kendo iwacho niya, Ngʼama biro monja?

Ezekiel 28:16

Kuom ohala mane itimo alanda ne ipongʼ gi timbe mag mahundu, mine idoko jaricho. Emomiyo ne adiri oko ka wichkuot omaki, ka agoli e got mar Nyasaye, kendo ne ariembi chuth, yaye kerubi ma jarit, mi ia e dier kite maliet ka mach.

Malaki 1:4

Edom to nyalo wacho niya, “Kata obedo ni miechwa osetieki kamano, to wabiro chako gerogi.” To ma e gima Jehova Nyasaye Maratego wacho: “Gibiro gedo to abiro muko miechgigo. Ibiro luong-gi ni oganda jopiny onjawre, jogo mosiko e bwo mirimb Jehova Nyasaye.