Obadia 1:1 - Motingʼo Loko Manyien

¹ Fweny mag Obadia. Magi e weche ma Jehova Nyasaye Manyalo Gik Moko Duto wacho kuom Edom. Wasewinjo wach; koa kuom Jehova Nyasaye. Jaote oseor ir ogendini mondo owach niya, “Chunguru, wadhi waked kode.”

MUMA MALER 2015

¹ Magi e weche mane Ruoth Nyasaye owacho ni Obadia e fweny kuom jo-Edom. Ruoth Nyasaye oseoro jaotene ir ogendini, kowacho niya, “Biuru mondo wadhi waked gi jo-Edom.” Kendo wasewinjo wachne.

Obadia 1:1 ပူးပေါင်းရင်းမြစ်များ

Chakruok 25:30

Esau nowacho ne Jakobo niya, “Asayi miya ogira makwarno adenyo!” (Mano emomiyo bende iluonge ni Edom.)

Chakruok 36:8

Kuom mano Esau (ma tiende ni Edom) nodhi odak e piny gode man Seir.

Chakruok 36:9

Ma e nonro mar joka Esau ma kwar jo-Edom manodak e piny gode mar Seir.

Zaburi 137:7

Parie gima ne jo-Edom otimo, yaye Jehova Nyasaye, parie gima negitimo chiengʼ mane Jerusalem opodho. Ne gikok matek niya, “Mukeuru ogoye piny. Mukeuru ogore piny gi mise mare duto!”

Isaya 21:11

Wach mokor kuom Duma: Ngʼato obiro ira koa Seir, kendo openja monwore niya, “Jarito odongʼ seche adi mondo piny oru? Jarito odongʼ seche adi mondo piny oru?”

Isaya 21:12

Eka jarito nodwoko niya, “Piny chiegni ru, to otieno bende biro chopo. Kidwaro penjo, to penji kendo imed penjo.”

Isaya 30:4

Kata obedo ni gin gi jotelo Zoan kendo jootene osechopo Hanes,

Jeremia 25:17

Omiyo ne akawo kikombe mane ni e lwet Jehova Nyasaye kendo ma aketo ogendini duto mane oora irgi omadhe.

Jeremia 25:21

Edom, Moab kod Amon;

Jeremia 51:46

Kik chunyu jogi kata bedo maluor ka wach mofwongʼ owinjore e piny; wach mofwongʼ achiel biro higani, machielo noluwe, wach mofwongʼ mar masira e piny, kendo mar jatelo ma ok dwar, jatelo machielo.

Ezekiel 35:1

Wach Jehova Nyasaye nobirona kama:

Joel 3:19

Misri nobed piny ma ji odar oweyo, kendo Edom nobed piny ongoro maonge tich, nikech timbe mahundu mane otimone jo-Juda, mane gichweroe remo maonge ketho e pinygi.

Mika 2:13

Jal mayawo yore modinore nodhi nyimgi kotelonegi. Ginimuom rangach mi gitony. Ruodhgi nokwong okadh kotelonegi. Jehova Nyasaye notelnegi.”

Mathayo 24:6

Unuwinj kuom pinje magore koni gi koni kod humbe mag lwenje, to neuru ni kik kibaji gou. Gik ma kamago nyaka timre, to giko piny to pod ni nyime.

Mariko 13:7

Ka uwinjo ka pinje gore koni gi koni kod humbe mag lwenje to kik kibaji gou. Gik ma kamago nyaka timre, to giko piny to pod ni nyime.