Ngeche 8:9 - Motingʼo Loko Manyien

⁹ Ne jogo mongʼeyo pogo tiend wach, gigi duto nikare, giber ni jogo man-gi ngʼeyo.

MUMA MALER 2015

⁹ Ng’at man gi rieko to winjogi maler. Ee, ng’at mawinjo tiend wach, to ong’eyogi maber.

Ngeche 8:9 ပူးပေါင်းရင်းမြစ်များ

Ngeche 14:6

Ngʼat ma jasunga nyalo dwaro rieko to ok oyud gimoro, ngʼeyo tiend wach to biro mayot ne ngʼat ma ongʼeyo pogo tiend weche.

Ngeche 15:14

Chuny mongʼeyo pogo tiend weche dwaro ngʼeyo, to dho ngʼat mofuwo chamo fuwo.

Ngeche 15:24

Yor ngima telo kadhi malo ni ngʼat makare, mondo ogengʼe kik odhi mwalo kar tho.

Ngeche 17:24

Ngʼat mariek keto rieko mondo otel, to wenge ngʼat mofuwo bayo nyaka giko piny.

Ngeche 18:15

Chuny ma weche donjone yudo ngʼeyo; to it mariek dwaro mondo weche odonjne.

Ngeche 3:13

En jahawi ngʼatno moyudo rieko, ngʼatno man-gi winjo,

Isaya 35:8

Kendo wangʼ yo nobedi kanyo, mi noluonge ni Wangʼ Yo Maler. Joma ok ler ok nowuothie, to nobedi wangʼ yo ma joma kare ema luwo, joma ofuwo ma joricho ok nowuothie.

Mika 2:7

Yaye od Jakobo, inyalo wacho niya: “Bende Roho mar Jehova Nyasaye dikechi? Bende dotim gik ma kamago?” “Donge wechena timo maber ne ngʼatno ma yorene oriere?

Johana 6:45

Ondiki e kitepe Jonabi ni, ‘Jehova Nyasaye nopuonj ji duto.’ Emomiyo ngʼat mosewinjo wach Wuoro, kod mosemako puonj mare, biro ira.

Johana 7:17

Ka ngʼato oyiero mar timo dwach Nyasaye, to obiro ngʼeyo ka bende puonjna oa kuom Nyasaye adier, kata ka awacho mana wechena awuon.

Jakobo 1:5

Ka ngʼato kuomu ochando rieko to okwa Nyasaye, ma jachiwo maber ne ji duto kendo nomiye maonge kiawa.