Ngeche 8:11 - Motingʼo Loko Manyien

¹¹ nikech rieko ber moloyo kite ma nengogi tek, kendo gimoro amora madiher ok nyal romo kode.

MUMA MALER 2015

¹¹ Nimar rieko ber moloyo kata mana kite ma nengogi tek onge gimoro amora maber ma dipimego.

Ngeche 8:11 ပူးပေါင်းရင်းမြစ်များ

Zaburi 119:103

Mano kaka wechegi mit ka abilogi, gimit e dhoga moloyo mor kich!

Zaburi 119:127

Nikech ahero chikeni moloyo dhahabu, kendo moloyo dhahabu maler mogik,

Zaburi 119:72

Chik moa e dhogi berna moloyo ngʼinjo gana gi gana mag fedha gi dhahabu.

Zaburi 19:10

Gibeyo moloyo dhahabu, moloyo dhahabu malerie moloyo; gimit moloyo mor kich moa e pedni.

Ngeche 16:16

To ber maromo nade yudo rieko moloyo dhahabu, yiero ngʼeyo tiend wach moloyo fedha!

Ngeche 20:15

Dhahabu nitie, kendo kite ma nengogi tek bende nitie mogundho, to dhok mawacho weche mag ngʼeyo gin kaka mula mabeyo mayudo tek.

Ngeche 31:10

Dhako ma kite longʼo en ngʼa manyalo nwangʼo? Nengone oloyo kite ma nengogi tek.

Eklesiastes 7:11

Rieko ber mana kaka girkeni, en gima ber kendo en ohala ne joma mangima.

Mathayo 16:26

Koso en ber mane ma ngʼato yudo ka piny duto obedo mare to ngimane to olalne? Koso en angʼo ma ngʼato dichiw mondo owil gi ngimane?

Rapar mar Chik 30:13

Bende ok en loka nam, madimi upenj niya, “En ngʼa madingʼad loka nam mondo oomnwago kendo opuonjwa eka warite?”