Ngeche 7:26 - Motingʼo Loko Manyien

²⁶ Oseketho ngima ji mangʼeny, kendo osemiyo ji mathoth mak kwanre otho.

MUMA MALER 2015

²⁶ nimar oseketho ngima ji mang’eny, kendo osemiyo ji mathoth mokadho akwana otho.

Ngeche 7:26 ပူးပေါင်းရင်းမြစ်များ

2 Samuel 3:27

Koro kane Abner osedwogo Hebron, Joab notere tenge e dhorangach; ka gima odwa wuoyo kode lingʼ-lingʼ. To kendo gikanyo, ema nochuloe kuor mar Asahel, mi Joab nochwowo iye motho.

Nehemia 13:26

Donge ne en nikech kend ma kamagi mane omiyo Solomon ruodh Israel otimo richo? E dier ogendini duto ne onge ruoth machal kode. Nohere gi Nyasache, kendo Nyasaye nokete ruoth ewi jo-Israel duto, to kata kamano mon ma ok jo-Yahudi nomiyo otimo richo.

Ngeche 2:18

Nikech ode tero ji e tho to yorene tero ji e piny joma otho.

Ngeche 23:28

Ka jamecho obuto korito, to omedo keto ji ma ok jo-adiera mangʼeny e kind ji.

Ngeche 6:33

Pokne en chwat kod wichkuot kendo nobed gi wichkuot ma ok norum.

Ngeche 7:27

Ode en yo malach matero ji e liel, otelo ni ji koterogi e kuonde mag tho.

Ngeche 9:18

To ok gingʼeyo kata matin ni joma otho ni kuno; bende ni joma lime ni e liel matut.

1 Jo-Korintho 10:8

Kik waterre kaka moko kuomgi notimo, mi ji alufu piero ariyo gadek kuomgi notho odiechiengʼ achiel.

2 Jo-Korintho 12:21

Aluor bende ni ka achako alimou, to timbeu nyalo miyo Nyasacha kuod wiya e nyimu, mi aywagi nikech ji mathoth kuomu mosetimo richo to otamore weyo timbegi maricho kaka, terruok kod anjawo.

1 Petro 2:11

Joherana, ajiwou, kaka jowuoth kendo kaka welo e pinyni, mondo uwe gombo maricho mag ringruok makedo gi chunyu.

Jong’ad Bura 16:21

Bangʼe jo-Filistia nomake, mi gilodho wengene oko kendo ne gitere nyaka Gaza. Eka ne gitweye gi nyoroche mag mula, mi gikete jarego e od twech.