Ngeche 7:2 - Motingʼo Loko Manyien

² Rit chikena to ibiro bedo mangima; rit puonjna mana kaka dirit tong wangʼi.

MUMA MALER 2015

² Tim kaka anyisi, eka inibed mangima. Rit chikena, mana kaka dirit tong wang’i.

Ngeche 7:2 ပူးပေါင်းရင်းမြစ်များ

Zaburi 119:144

Chikeni nikare nyaka chiengʼ, omiyo miya ngʼeyo mondo abed mangima.

Zaburi 17:8

Rita adimba kaka tong wangʼi, panda e bwo tipo mar bwombi,

Ngeche 4:13

Mak motegno gima isepuonjori, kik iweye, olalni to irite maber, nikech en e ngimani.

Ngeche 4:21

Kik iwe gilal e wangʼi to kan-gi e chunyi;

Ngeche 4:4

nopuonja kowacho niya, “Mak matek wechena gi chunyi duto, rit chikena eka inibed mangima.

Isaya 55:3

Chik iti kendo ibi ira, winj gima awacho mondo chunyi obed gi kwe. Abiro loso singruok mosiko kod herana mar adier mane asingone Daudi.

Jeremia 38:20

Jeremia nodwoke niya, “Ok ginichiwi.” Luor Jehova Nyasaye kitimo gima anyisi. Eka inine maber, kendo ngimani noweni.

Tim jo-Lawi 18:5

Rituru yorena kod chikena, nimar ngʼat moluwogi nobed mangima kuomgi. An e Jehova Nyasaye.

Zekaria 2:8

Nimar ma e gima Jehova Nyasaye Maratego owacho, “Bangʼ ka osemiya duongʼ kendo oseora mondo arad gi pinje mosepeyou, kendo mondo anyisgi ni ngʼato angʼata momulou osoko mana tong wangʼ Nyasaye,

Johana 14:21

Ngʼato angʼata mongʼeyo chikena kendo orito, e ngʼama ohera. Ngʼat mohera, Wuora biro hero, kendo an bende abiro here, mi afwenyrane.”

Johana 15:14

Un osiepena mana kutimo gik ma achikou.

Rapar mar Chik 32:10

Noyudo joka Jakobo kama otimo ongoro, ma en kama otwo kendo mojwangʼ. Nochielogi koni gi koni moritogi maber, mana ka ngʼama ochielo tong wangʼe,

Fweny 22:14

“Jogo gin joma ogwedhi ma oseluoko kandhogi maler, mondo omi gibed gi ratiro mar chamo olemb yath mar ngimano kendo gikadh ka gidonjo e dhorangeye mag dalano.